വെറും നാലെ നാലു പോയിന്റുകൾ മാത്രം എതിരാളിക്ക് നൽകി രണ്ടാം റൗണ്ടിൽ മികച്ച ജയം നേടി രണ്ടാം സീഡ് റാഫേൽ നദാൽ ഫ്രഞ്ച് ഓപ്പൺ മൂന്നാം റൗണ്ടിൽ. 4 തവണ സർവീസ് ഇരട്ടപ്പിഴവുകൾ വരുത്തിയെങ്കിലും ഒരു തവണ പോലും ബ്രൈക്ക് വഴങ്ങാത്ത നദാൽ അമേരിക്കൻ താരം മകൻസി മക്നോൾഡ്സിനെ 7 തവണയാണ് മത്സരത്തിൽ ബ്രൈക്ക് ചെയ്തത്. 6-1 നു ആദ്യ സെറ്റ് നേടിയ നദാൽ രണ്ടാം സെറ്റിൽ എതിരാളിക്ക് ഒരു പോയിന്റ് പോലും നൽകാതെ 6-0 നു രണ്ടാം സെറ്റ് നേടി. മൂന്നാം സെറ്റിൽ കുറച്ച് പൊരുതിനോക്കിയ മക്നോൾഡ്സിനെതിരെ 6-3 നു സെറ്റ് സ്വന്തമാക്കി മത്സരം സ്വന്തം പേരിൽ കുറിച്ചു. 13 മത്തെ ഫ്രഞ്ച് ഓപ്പൺ കിരീടം ലക്ഷ്യം വക്കുന്ന നദാൽ ഈ പ്രകടനം കൊണ്ടു എതിരാളികൾക്ക് വലിയ മുന്നറിയിപ്പ് തന്നെയാണ് നൽകുന്നത്.
ജർമ്മൻ താരം ഡൊമിനിക് കോപ്ഫറെ 4 സെറ്റ് പോരാട്ടത്തിൽ മറികടന്നാണ് 16 സീഡ് ആയ മുൻ ചാമ്പ്യൻ സ്റ്റാൻ വാവറിങ്ക മൂന്നാം റൗണ്ടിലേക്ക് മുന്നേറിയത്. 6-3, 6-2 എന്ന സ്കോറിന് ആദ്യ രണ്ടു സെറ്റുകൾ നേടിയ സ്വിസ് താരം 6-3 നു മൂന്നാം സെറ്റ് കൈവിട്ടു എങ്കിലും 6-1 നാലാം സെറ്റ് നേടി മൂന്നാം റൗണ്ട് ഉറപ്പിച്ചു. അതേസമയം നാട്ടുകാരൻ ആയ സെബാസ്റ്റ്യൻ കോർദയോട് 4-6, 4-6, 6-2, 4-6 എന്ന സ്കോറിന് പരാജയപ്പെട്ട ഇരുപത്തിയൊന്നാം സീഡ് അമേരിക്കൻ താരം ജോൺ ഇസ്‌നർ ടൂർണമെന്റിൽ നിന്നു പുറത്തായി. റഡു ആൽബോട്ടിനെ 6-3, 6-2, 6-4 എന്ന നേരിട്ടുള്ള സെറ്റുകൾക്ക് തകർത്തു 27 സീഡ് അമേരിക്കൻ താരം ടൈയ്‌ലർ ഫ്രിറ്റ്‌സ് ഫ്രഞ്ച് ഓപ്പൺ മൂന്നാം റൗണ്ടിലേക്ക് മുന്നേറി.
