നാലാമത് സംസ്ഥാന മാസ്റ്റേഴ്സ് ഗെയിംസിന്റെ ഭാഗമായുള്ള, മാസ്റ്റേഴ്സ് ടെന്നീസ് ടൂർണമെന്റ് ഡിസംബർ 3, 4 തിയ്യതികളിൽ എറണാകുളത്ത് വച്ചു നടക്കും എന്നു മാസ്റ്റേഴ്സ് ഗെയിംസ് ഭാരവാഹികൾ അറിയിച്ചു. കടവന്ത്രയിലുള്ള റീജിയണൽ സ്പോർട്സ് സെന്ററിൽ വച്ചു നടക്കുന്ന ടെന്നീസ് ടൂർണമെന്റിൽ പുരുഷന്മാർക്കും വനിതകൾക്കും പ്രത്യേകം മത്സരങ്ങൾ ഉണ്ടാകും.
പുരുഷൻമാരുടെ വിഭാഗത്തിൽ 30+,40+, 50+, 60+, 70+ എന്നിങ്ങനെയാണ് മത്സരങ്ങൾ ക്രമീകരിച്ചിരിക്കുന്നത്. വനിതകൾക്ക് 30+ സിംഗിൾസ്, ഡബിൾസ്, മിക്സഡ് ഡബിൾസ് എന്നും.
മത്സരങ്ങളിൽ പങ്കെടുക്കാൻ ആഗ്രഹിക്കുന്നവർ ടെന്നീസ് മാസ്റ്റേഴ്സ് ഗെയിംസ് കൺവീനർ ഷെനു ഗോപാലുമായി ബന്ധപ്പെടേണ്ടതാണ്.
മൊബൈൽ: 90201 16947
