ഡേവിസ് കപ്പ്, ഇന്ത്യയ്ക്കെതിരെ 2-0 ലീഡ് നേടി സെര്‍ബിയ

- Advertisement -

ഡേവിസ് കപ്പ് ലോക ഗ്രൂപ്പ് പ്ലേ ഓഫ് മത്സരത്തില്‍ ഇന്ത്യയ്ക്ക് ആദ്യ ദിവസം തോല്‍വിയോടെ തുടക്കം. മത്സരത്തിന്റെ ആദ്യ രണ്ട് സിംഗിള്‍സ് മത്സരങ്ങളിലും പരാജയം ഏറ്റുവാങ്ങിയ ഇന്ത്യ 0-2നു പിന്നിലാണ്. രാം കുമാര്‍ രാമനാഥന്‍, പ്രജ്നേഷ് ഗുണ്ണേശ്വരന്‍ എന്നിവരാണ് ആദ്യ സിംഗിള്‍സുകളില്‍ പരാജയമേറ്റു വാങ്ങിയത്.

3-6, 6-4, 7-6 (2), 6-2 എന്ന സ്കോറിനു ലാസ്‍ലോ ജെറേ ആണ് രാംകുമാര്‍ രാമനാഥനെ പരാജയപ്പെടുത്തിയത്. ആദ്യ സെറ്റ് രാമനാഥന്‍ നേടിയെങ്കിലും പിന്നീട് സെര്‍ബിയന്‍ താരം മികച്ച തിരിച്ചുവരവ് നടത്തുകയായിരുന്നു. രണ്ടാം മത്സരത്തില്‍ പ്രജ്നേഷ് ഗുണ്ണേശ്വരന്‍ സെര്‍ബിയന്‍ താരം ഡുസാന്‍ ലാജോവിക്കിനോട് പരാജയം ഏറ്റുവാങ്ങി. സ്കോര്‍: 4-6, 3-6, 4-6

നാളെ ഡബിള്‍സില്‍ ഇന്ത്യയുടെ രോഹന്‍ ബൊപ്പണ്ണ-ശ്രീറാം ബാലാജി സഖ്യം ഇന്ത്യയുടെ ആദ്യ ജയം പ്രതീക്ഷിച്ച് ഇറങ്ങും.

Advertisement