ഡേവിസ് കപ്പില്‍ ഇന്ത്യയ്ക്ക് ഡബിള്‍സില്‍ ജയം

ആദ്യ രണ്ട് സിംഗിള്‍സ് മത്സരങ്ങളിലും ഇറ്റലിയോട് തോറ്റുവെങ്കിലും ഡബിള്‍സില്‍ വിജയം നേടി ഇന്ത്യന്‍ സഖ്യം രോഹന്‍ ബൊപ്പണ്ണയും ദിവിജ് ശരണം. ബെറേട്ടിനി-ബൊലെല്ലി സഖ്യത്തിനോട് ആദ്യ സെറ്റ് കൈവിട്ടുവെങ്കിലും അടുത്ത രണ്ട് സെറ്റുകളും നേടി ഇന്ത്യന്‍ ജോഡി തിരിച്ചുവരികയായിരുന്നു. 4-6, 6-3, 6-4 എന്ന സ്കോറിനാണ് ഇന്ത്യന്‍ താരങ്ങളുടെ ജയം. ഇന്ത്യ നിലവില്‍ 1-2നു പിന്നിലാണ്. രണ്ട് റിവേഴ്സ് സിംഗിള്‍സ് മത്സരങ്ങളാണ് അവശേഷിക്കുന്നത്.

ഇന്നലെ നടന്ന സിംഗിള്‍സ് മത്സരങ്ങളില്‍ രാംകുമാര്‍ രാമനാഥനും പ്രജ്നേഷ് ഗുണ്ണേശ്വരനും തങ്ങളുടെ മത്സരങ്ങളില്‍ പരാജയപ്പെട്ടു. അത്ഭുതങ്ങള്‍ സംഭവിച്ചാല്‍ മാത്രമേ ഇനി ഇറ്റലിയ്ക്കെതിരെ ഇന്ത്യയ്ക്ക് വിജയം നേടാനാകൂ.