ഓസ്ട്രേലിയൻ ഓപ്പൺ സെമിഫൈനലിലേക്ക് മുന്നേറിക്കൊണ്ട് മാഡിസൺ കീസ് തന്റെ 2022 സീസണിലെ അത്ഭുത പ്രകടനം തുടരുന്നു. ഫ്രഞ്ച് ഓപ്പൺ ചാമ്പ്യൻ ബാർബോറ ക്രെജ്‌സിക്കോവയെ ആണ് ഇന്ന് വനിതാ സിംഗിൾസിന്റെ ക്വാർട്ടറിൽ മാഡിസൻ കീസ് പരാജയപ്പെടുത്തിയത്. 6-3, 6-2 എന്ന ഏകപക്ഷീയമായ സ്കോറിനായിരുന്നു വിജയം. കീസിന്റെ തുടർച്ചയായ 10-ാമത്തെയും പുതുവർഷത്തിലെ 11-ാമത്തെയും വിജയമാണ് ഇത്. 2015ന് ശേഷം ആദ്യമായാണ് കീസ് ഓസ്ട്രേലിയൻ ഓപ്പൺ സെമിയിൽ എത്തുന്നത്.
ലോക ഒന്നാം നമ്പർ താരം ആഷ്‌ലീ ബാർട്ടിയുമായോ അമേരിക്കക്കാരിയും 21-ാം സീഡുമായ ജെസീക്ക പെഗുലയുമായോ ആകും സെമിയിൽ കീസ് ഏറ്റുമുട്ടുക
