ഫെഡററും കെർബറും പുറത്ത്

അട്ടിമാറികളുമായി പുതുതാരങ്ങൾ ആസ്ട്രേലിയൻ ഓപ്പണിൽ അത്ഭുതം സൃഷ്ടിക്കുന്നു. പുരുഷ വിഭാഗം സിംഗിൾസിൽ റോജർ ഫെഡററിനും മാരിൻ സിലിച്ചിനുമാണ് നാലാം റൗണ്ടിൽ അടിതെറ്റിയത്. ഗ്രീസിന്റെ ഇരുപതുവയസുകാരൻ സ്റ്റെഫനോസ് ടിറ്റിപ്പസിനോടാണ് റോജർ തോൽവി വഴങ്ങിയത്. ആദ്യ സെറ്റ് നേടിയാണ് തുടങ്ങിയതെങ്കിലും തുടർന്ന് മൂന്നു സെറ്റുകളും നഷ്ടപ്പെടുത്തി റോജർ തോൽവി വഴങ്ങിയത്. സ്കോർ 7-6 6-7 5-7 6-7. സ്പാനിഷ് താരം റോബർട്ടോ ബാറ്റിസ്റ്റ അഗട്ടിനോടാണ് സിലിച്ച് പരാജയപ്പെട്ടത്. സ്കോർ 7-6 6-3 6-2 6-4 4-6.
  വനിതാ വിഭാഗം സിംഗിൾസിൽ അമേരിക്കൻ താരം ഡാനിയേല റോസ് കോളിൻസിനോടാണ് ആഞ്‌ജലീക്  കെർബറിന്റെ തോൽവി. സ്കോർ 6-0 6-2. കഴിഞ്ഞ റൗണ്ടിൽ മുൻ ജേതാവ് വോസ്‌നിയാക്കിയെ തോൽപ്പിച്ചെത്തിയ ഷറപ്പോവക്കും നാലാം റൗണ്ടിൽ അടിപതറി. ഓസിസ് താരം ആഷ്‌ലി ബർട്ടിയുടെ മുന്നിലാണ് ഷറപ്പോവ വീണത്. സ്കോർ 6-4 1-6 4-6