Tag: World T20

വനിത ലോക ടി20യ്ക്കുള്ള 15 അംഗ സ്ക്വാഡ് പ്രഖ്യാപിച്ച് ഓസ്ട്രേലിയ. അടുത്ത മാസം വിന്‍ഡീസില്‍ ആരംഭിക്കുന്ന ടീമില്‍ നിക്കോള്‍ ബോള്‍ട്ടണ്‍ സ്ഥാനം പിടിച്ചതാണ് പുതിയ വാര്‍ത്ത. ഏകദിന സ്പെഷ്യലിസ്റ്റെന്ന് വിലയിരുത്തപ്പെടുന്ന താരമാണ് നിക്കോള്‍ ബോള്‍ട്ടണ്‍. ന്യൂസിലാണ്ടിനെതിരെ ടി20 കളിച്ച ടീമിലെ മാറ്റങ്ങളില്‍ ഒന്നാണ് നിക്കോള്‍. ജെസ്സ് ജോന്നാസന്‍ ടീമില്‍ ഇടം പിടിച്ചുവെങ്കിലും ഫിറ്റ്നെസ്സ് ടെസ്റ്റ് വിജയിച്ചാല്‍ മാത്രമേ നവംബറില്‍ ടീമിനൊപ്പം യാത്രയാകുള്ളു.

ഇതേ ടീം തന്നെയാവും ഈ മാസം അവസാനത്തോടു കൂടി പാക്കിസ്ഥാനെതിരെ ടി20 പരമ്പര കളിക്കുന്നതും. മലേഷ്യയില്‍ നടക്കുന്ന പരമ്പരയില്‍ മൂന്ന് ഏകദിനങ്ങളും മൂന്ന് ടി20 മത്സരങ്ങളും ഉണ്ടാകും. നിക്കോള്‍ ബോള്‍ട്ടണ്‍ ഓസ്ട്രേലിയയ്ക്കായി രണ്ട് ടി20 മത്സരങ്ങള്‍ മാത്രമാണ് കളിച്ചിട്ടുള്ളതെങ്കിലും ഏകദിന ടീമിലെ നെടുംതൂണാണ് താരം.

ലോക ടി20: മെഗ് ലാന്നിംഗ്, റെയ്ച്ചല്‍ ഹെയ്നസ്, നിക്കോള്‍ ബോള്‍ട്ടണ്‍, നിക്കോള കാറെ, ആഷ്‍ലി ഗാര്‍ഡ്നര്‍, അലീസ ഹീലി, ജെസ്സ് ജോന്നാസെന്‍, ഡെലീസ്സ കിമ്മിന്‍സ്, സോഫി മോളിനെക്സ്, ബെത്ത് മൂണി, എല്‍സെ പെറി, മെഗാന്‍ ഷൂട്ട്, എല്‍സെ വില്ലാനി, ടയല വ്ലാമിനക്, ജോര്‍ജ്ജിയ വെയര്‍ഹാം

വിന്‍ഡീസില്‍ നവംബറില്‍ നടക്കാനിരിക്കുന്ന ലോക ടി20യ്ക്കുള്ള ടീമിനെ പ്രഖ്യാപിച്ച് ഇംഗ്ലണ്ട്. മൂന്ന് പുതിയ താരങ്ങള്‍ക്ക് അവസരം ലഭിക്കുന്നു എന്നതാണ് ഏറ്റവും പ്രത്യേകത നിറഞ്ഞത്. എന്നിവരാണ് 15 അംഗ സ്ക്വാഡിലെ പുതുമുഖ താരങ്ങള്‍. ഗ്രൂപ്പ് എ യില്‍ കളിക്കുന്ന ഇംഗ്ലണ്ടിന്റെ ആദ്യ മത്സരം നവംബര്‍ 10നാണ്. ശ്രീലങ്കയാണ് ടീമിന്റെ എതിരാളി.

ഇംഗ്ലണ്ട്: ഹീത്തര്‍ നൈറ്റ്, കാത്തറിന്‍ ബ്രണ്ട്, സോഫി എക്സല്‍ സ്റ്റോണ്‍, ടാഷ് ഫാരന്റ്, ക്രിസ്റ്റി ഗോര്‍ഡണ്‍, ജെന്നി ഗണ്‍, ഡാനി ഹേസല്‍, ലിന്‍സേ സ്മിത്ത്, സോഫിയ ഡുന്‍ക്ലെ, ആമി ജോണ്‍സ്, നത്താലി സ്കിവര്‍, അന്യ ഷ്രുബ്സോള്‍, ലൗറെന്‍ വിന്‍വീഫല്‍ഡ്, ഡാനി വയട്ട്, താമി ബ്യൂമോണ്ട്

ഓസ്ട്രേലിയയുടെ ജെസ്സ് ജോനാസ്സെനു നവംബറില്‍ നടക്കുന്ന ലോക ടി20 മത്സരത്തില്‍ പങ്കെടുക്കുാനാകുമോ എന്നത് സംശയത്തിലെന്ന് സൂചന. ന്യൂസിലാണ്ട് പര്യടനത്തിനുള്ള ടി20 ടീമില്‍ നിന്ന് താരത്തെ പരിക്ക് മൂലം ഒഴിവാക്കിയതായി ക്രിക്കറ്റ് ഓസ്ട്രേലിയ ഏതാനും ദിവസം മുമ്പ് അറിയിച്ചിരുന്നു. വാംഅപ്പിനിടയില്‍ കാല്‍മുട്ടിനു പരിക്കേറ്റ താരത്തിനു പരിശോധനയില്‍ ശസ്ത്രക്രിയ ആവശ്യമാണെന്ന് കണ്ടെത്തുകയായിരുന്നു.

ഇതോടെ ലോക ടി20യില്‍ താരം പങ്കെടുക്കുന്ന കാര്യം സംശയത്തിലായിരിക്കകയാണ്. സെപ്റ്റംബര്‍ 29നാണ് ഓസ്ട്രേലിയ-ന്യൂസിലാണ്ട് ടി20 പരമ്പര ആരംഭിക്കുന്നത്. മൂന്ന് മത്സരങ്ങളാണ് പരമ്പരയിലുള്ളത്. ഒക്ടോബര്‍ 1, 5 തീയ്യതികളില്‍ ശേഷിക്കുന്ന മത്സരങ്ങള്‍ അരങ്ങേറും.