ഓസ്ട്രേലിയയുടെ ജെസ്സ് ജോനാസ്സെനു നവംബറില് നടക്കുന്ന ലോക ടി20 മത്സരത്തില് പങ്കെടുക്കുാനാകുമോ എന്നത് സംശയത്തിലെന്ന് സൂചന. ന്യൂസിലാണ്ട് പര്യടനത്തിനുള്ള ടി20 ടീമില് നിന്ന് താരത്തെ പരിക്ക് മൂലം ഒഴിവാക്കിയതായി ക്രിക്കറ്റ് ഓസ്ട്രേലിയ ഏതാനും ദിവസം മുമ്പ് അറിയിച്ചിരുന്നു. വാംഅപ്പിനിടയില് കാല്മുട്ടിനു പരിക്കേറ്റ താരത്തിനു പരിശോധനയില് ശസ്ത്രക്രിയ ആവശ്യമാണെന്ന് കണ്ടെത്തുകയായിരുന്നു.
ഇതോടെ ലോക ടി20യില് താരം പങ്കെടുക്കുന്ന കാര്യം സംശയത്തിലായിരിക്കകയാണ്. സെപ്റ്റംബര് 29നാണ് ഓസ്ട്രേലിയ-ന്യൂസിലാണ്ട് ടി20 പരമ്പര ആരംഭിക്കുന്നത്. മൂന്ന് മത്സരങ്ങളാണ് പരമ്പരയിലുള്ളത്. ഒക്ടോബര് 1, 5 തീയ്യതികളില് ശേഷിക്കുന്ന മത്സരങ്ങള് അരങ്ങേറും.