Tag: Syed Mushtaq Ali Trophy

2024 ഡിസംബർ 5 ന് ഇൻഡോറിലെ എമറാൾഡ് ഹൈസ്‌കൂൾ ഗ്രൗണ്ടിൽ സിക്കിമിനെതിരായ ഗ്രൂപ്പ് ബി മത്സരത്തിൽ 349/5 എന്ന റെക്കോർഡ് സ്കോർ കുറിച്ച് ൽ ബറോഡ സയ്യിദ് മുഷ്താഖ് അലി ട്രോഫിയിൽ ചരിത്രം സൃഷ്ടിച്ചു. ഈ വർഷം ആദ്യം സിംബാബ്‌വെ സ്ഥാപിച്ച 344/4 എന്ന ടീം സ്‌കോർ റെക്കോർഡാണ് ഈ ടോട്ടലിലൂടെ ബറോഡ മറികടന്നത്.

51 പന്തിൽ 134 റൺസ് നേടിയ ഭാനു പാനിയയാണ് ആക്രമണത്തിന് നേതൃത്വം നൽകിയത്. 15 സിക്‌സറുകളും അഞ്ച് ബൗണ്ടറികളും ഉൾപ്പെടുന്ന അദ്ദേഹത്തിൻ്റെ ഇന്നിംഗ്‌സ് ബറോഡയെ അഭൂതപൂർവമായ നാഴികക്കല്ലിലേക്ക് നയിച്ചു. ഓപ്പണർമാരായ അഭിമന്യു സിങ്ങും ഷാവത് റാവത്തും ചേർന്ന് അഞ്ച് ഓവറിൽ 92 റൺസ് കൂട്ടുകെട്ട് സൃഷ്ടിച്ചു. സിംഗ് 17 പന്തിൽ 53 റൺസും റാവത്ത് 16 പന്തിൽ 43 റൺസും നേടി.

ശിവാലിക് ശർമ്മയും (12 പന്തിൽ 36) വിക്രം സോളങ്കിയും (16 പന്തിൽ 50) വേഗമേറിയ രീതിയിൽ റൺസ് നേടി വെടിക്കെട്ട് തുടർന്നു. പത്ത് പന്തുകളെങ്കിലും നേരിട്ട ഓരോ ബാറ്ററും 200ന് മുകളിൽ സ്‌ട്രൈക്ക് റേറ്റ് നിലനിർത്തി, അത് ചരിത്ര സ്കോർ നേടുന്നതിൽ പ്രധാനമായി.

അവിശ്വസനീയമായ 37 സിക്‌സറുകൾ ആകെ ബറോഡയുടെ ഇന്നിംഗ്സിൽ പിറന്നു. ഒരു ടി20 ഇന്നിംഗ്‌സിൽ ഏറ്റവും കൂടുതൽ സിക്‌സറുകൾ നേടിയതിൻ്റെ റെക്കോർഡും ബറോഡ ഇതോടെ തകർത്തു. അതിൽ 15 എണ്ണം പാനിയ മാത്രം സംഭാവന ചെയ്‌തപ്പോൾ സോളങ്കി ക്രീസിലുള്ള തൻ്റെ ചുരുങ്ങിയ സമയത്തിനുള്ളിൽ ആറ് സിക്സുകൾ കൂട്ടിച്ചേർത്തു.

സയ്യിദ് മുഷ്താഖലി ട്രോഫിയിൽ ഇന്ന് 28 പന്തിൽ നിന്ന് സെഞ്ച്വറി അടിച്ച് അഭിഷേക് ശർമ്മ ഒരു ഇന്ത്യക്കാരന്റെ ഏറ്റവും വേഗതയേറിയ ടി 20 സെഞ്ച്വറി എന്ന റെക്കോർഡിന് ഒപ്പമെത്തി. ത്രിപുരയ്‌ക്കെതിരെ 28 പന്തിൽ സെഞ്ച്വറി നേടിയ ഗുജറാത്തിന്റെ ഉർവി പട്ടേലിനൊപ്പം ആണ് അഭിഷേക് എത്തിയത്. കഴിഞ്ഞ ആഴ്ച ആയിരുന്ന്യ് ഉർവി പട്ടേൽ ഈ റെക്കോർഡ് കുറിച്ചത്.

രാജ്‌കോട്ടിൽ 143 എന്ന ലക്ഷ്യം പിന്തുടർന്ന പഞ്ചാബിനായി, 29 പന്തിൽ 106 റൺസെടുത്ത അഭിഷേക് തകർത്തു കളിക്കുക ആയിരുന്നു. 11 സിക്‌സുകളും 8 ഫോറുകളും താരം നേടി. ബൗണ്ടറികളിൽ നിന്നാണ് 98 റൺസ് അദ്ദേഹം സംഭാവന ചെയ്തത്. വെറും 9.4 ഓവറിൽ പഞ്ചാബ് വിജയം ഉറപ്പിച്ചു. അഭിഷേക് 365.52 എന്ന സ്‌ട്രൈക്ക് റേറ്റ് നിലനിർത്തി.

.

ഹൈദരാബാദ്: 13 ഓവറിൽ 88 റൺസ് എന്ന വിജയലക്ഷ്യം പിന്തുടർന്ന ആന്ധ്രയ്ക്ക് കേരളത്തിനെതിരെ 6 വിക്കറ്റിൻ്റെ നിർണായക ജയം. ഇന്ന് ആദ്യം ബാറ്റു ചെയ്ത കേര 18.1 ഓവറിൽ 87 റൺസിന് ഓൾഔട്ടായിരുന്നു‌. ൽ

ക്യാപ്റ്റൻ സഞ്ജു സാംസൺ (7), രോഹൻ കുന്നുമൽ (9) എന്നിങ്ങനെ മുൻനിര ബാറ്റമാരെല്ലാം നിരാശപ്പെടുത്തി. ജലജ് സക്‌സേന (27) ടോപ് സ്കോറർ ആയി.

മറുപടിയായി ആന്ധ്ര അനായാസം ലക്ഷ്യം കണ്ടു. അശ്വിൻ ഹെബ്ബാർ (12), റിക്കി ഭുയി (14) എന്നിവരുടെ പിന്തുണയും കെ എസ് ഭരതിന്റെ 33 പന്തിൽ പുറത്താകാതെ നേടിയ 56 റൺസും അവരെ ജയത്തിലേക്ക് എത്തിച്ചു. കേരളത്തിന് സീസണിലെ രണ്ടാം തോൽവി ആണിത്.

ഹൈദരാബാദ്: സയ്യദ് മുഷ്താഖ് അലി ടി ട്വന്‍റി ക്രിക്കറ്റ് ടൂർണ്ണമെൻ്റിൽ കരുത്തരായ മുംബൈയെ തോല്പിച്ച് കേരളം. 43 റൺസിനായിരുന്നു കേരളത്തിൻ്റെ വിജയം. ആദ്യം ബാറ്റ് ചെയ്ത കേരളം 20 ഓവറിൽ അഞ്ച് വിക്കറ്റ് നഷ്ടത്തിൽ 234 റൺസെടുത്തു. മറുപടി ബാറ്റിങ്ങിന് ഇറങ്ങിയ മുംബൈയ്ക്ക് 20 ഓവറിൽ ഒൻപത് വിക്കറ്റ് നഷ്ടത്തിൽ 191 റൺസ് മാത്രമാണ് എടുക്കാനായത്. സയ്യദ് മുഷ്താഖ് അലി ടൂര്‍ണമെന്റില്‍ കേരളത്തിന്‍റെ ഏറ്റവും ഉയര്‍ന്ന സ്കോറാണിത്.

ടോസ് നഷ്ടപ്പെട്ട് ആദ്യം ബാറ്റ് ചെയ്യാൻ ഇറങ്ങിയ കേരളത്തിന് തുടക്കത്തിൽ തന്നെ ക്യാപ്റ്റൻ സഞ്ജു സാംസൻ്റെ വിക്കറ്റ് നഷ്ടമായി. നാല് റൺസെടുത്ത സഞ്ജുവിനെ ശാർദ്ദൂൽ ഥാക്കൂർ ക്ലീൻ ബൌൾഡാക്കുകയായിരുന്നു. തുടർന്നെത്തിയ മുഹമ്മദ് അസറുദ്ദീനും അധികം പിടിച്ചുനില്ക്കാനായില്ല. 13 റൺസെടുത്ത അസറുദ്ദീനെ മോഹിത് ആവസ്തിയാണ് പുറത്താക്കിയത്. തുടർന്നെത്തിയ സച്ചിൻ ബേബി പരിക്കേറ്റ് മടങ്ങിയതും കേരളത്തിന് തിരിച്ചടിയായി. തുടർന്ന് രോഹൻ കുന്നുമ്മലും സൽമാൻ നിസാറും ചേർന്നുള്ള 140 റൺസ് കൂട്ടുകെട്ടാണ് കേരളത്തെ കൂറ്റൻ സ്കോറിലെത്തിച്ചത്. മുംബൈ ബൌളർമാരെ ഇരുവരും തലങ്ങും വിലങ്ങും പായിച്ചു. 48 പന്തിൽ അഞ്ച് ഫോറും ഏഴ് സിക്സും അടക്കം 87 റൺസാണ് രോഹൻ നേടിയത്. 18-ാം ഓവറിൽ രോഹൻ മടങ്ങിയെങ്കിലും കൂറ്റൻ ഷോട്ടുകളുമായി കളി തുടർന്ന സൽമാൻ നിസാറിന് ഒരു റൺസിനാണ് അർഹിച്ച സെഞ്ച്വറി നഷ്ടമായത്. 99 റൺസുമായി സൽമാൻ നിസാർ പുറത്താകാതെ നിന്നു. 49 പന്തിൽ അഞ്ച് ഫോറും എട്ട് സിക്സും അടങ്ങുന്നതായിരുന്നു സൽമാൻ്റെ ഇന്നിങ്സ്. മുംബൈയ്ക്ക് വേണ്ടി മോഹിത് ആവസ്തി നാല് വിക്കറ്റ് വീഴ്ത്തി. ട്വൻ്റി 20യിൽ മുംബൈയ്ക്കെതിരെ കേരളത്തിൻ്റെ ഏറ്റവും ഉയർന്ന സ്കോർ കൂടിയാണ് ഹൈദരാബാദിൽ കുറിക്കപ്പെട്ടത്.

മറുപടി ബാറ്റിങ്ങിന് ഇറങ്ങിയ മുംബൈയ്ക്ക് ബാറ്റർമാർ അതിവേഗത്തിലുള്ള തുടക്കം തന്നെ നല്കി. പക്ഷെ മികച്ച കൂട്ടുകെട്ടുകൾ ഉണ്ടാകാതിരുന്നത് മുംബൈയ്ക്ക് തിരിച്ചടിയായി. 23 റൺസെടുത്ത പൃഥ്വീ ഷായുടെ വിക്കറ്റാണ് ആദ്യം നഷ്ടമായത്. ഷായെ പുറത്താക്കിയ നിധീഷ് തന്നെ അംഗ്രിഷ് രഘുവൻഷിയെയും മടക്കി. ശ്രേയസ് അയ്യരും അജിൻക്യ രഹാനെയും ചേർന്നുള്ള മൂന്നാം വിക്കറ്റിൽ 42 റൺസ് പിറന്നു. എന്നാൽ 32 റൺസെടുത്ത ശ്രേയസിനെ അബ്ദുൾ ബാസിദ് പുറത്താക്കിയതോടെ ഒരറ്റത്ത് വിക്കറ്റുകൾ മുറയ്ക്ക് വീണു.20 ഓവറിൽ ഒൻപത് വിക്കറ്റ് നഷ്ടത്തിൽ 191 റൺസ് മാത്രമാണ് മുംബൈയ്ക്ക് നേടാനായത്. 68 റൺസെടുത്ത അജിൻക്യ രഹാനെയാണ് മുംബൈയുടെ ടോപ് സ്കോറർ. ഹാർദ്ദിക് തമോറെ 23 റൺസെടുത്തു. നാല് വിക്കറ്റുമായി എം ഡി നിധീഷാണ് കേരള ബൌളിങ് നിരയിൽ തിളങ്ങിയത്. വിനോദ് കുമാറും അബ്ദുൾ ബാസിദും രണ്ട് വിക്കറ്റ് വീതം വീഴ്ത്തി. 99 രണ്സ് എടുത്ത ’ സന്മാന്‍ നിസാര്‍ ആണ് മാന്‍ ഓഫ് ദി മാച്ച്.