Tag: Stefanos Tsitsipas

എ.ടി.പി 1000 സിൻസിനാറ്റി മാസ്റ്റേഴ്സ് കിരീടം നേടി ക്രൊയേഷ്യൻ താരം ബോർണ ചോരിച്.

എ.ടി.പി 1000 സിൻസിനാറ്റി മാസ്റ്റേഴ്സ് കിരീടം നേടി ക്രൊയേഷ്യൻ താരം ബോർണ ചോരിച്. 152 റാങ്കുകാരനായ ബോർണ ചോരിച് നാലാം സീഡ് ഗ്രീക്ക് താരം സ്റ്റെഫനോസ് സിറ്റിപാസിനെ ആണ് ഫൈനലിൽ തോൽപ്പിച്ചത്. മുമ്പ് തോളിനു ഏറ്റ പരിക്ക് കാരണം 13 മാസം ടെന്നീസിൽ നിന്നു വിട്ടു നിന്ന 25 കാരന്റെ കരിയറിലെ ഏറ്റവും വലിയ കിരീടനേട്ടം ആണ് ഈ ആദ്യ മാസ്റ്റേഴ്സ് കിരീടം.

നേരിട്ടുള്ള സെറ്റുകൾക്ക് ആയിരുന്നു ബോർണയുടെ ജയം. ടൈബ്രൈക്കറിലേക്ക് നീണ്ട ആദ്യ സെറ്റിൽ ടൈബ്രൈക്കറിൽ ഒരു പോയിന്റ് പോലും സിറ്റിപാസിന് നൽകാതെ സെറ്റ് നേടിയ ബോർണ രണ്ടാം സെറ്റ് 6-2 നു നേടി കിരീടം സ്വന്തം പേരിലാക്കി. മത്സരത്തിൽ ഒരു തവണ ബ്രൈക്ക് വഴങ്ങിയ ബോർണ 3 തവണ സിറ്റിപാസിന്റെ സർവീസ് ബ്രൈക്ക് ചെയ്തു. സിൻസിനാറ്റിയിലെ ജയം യു.എസ് ഓപ്പണിൽ ബോർണക്ക് വലിയ ആത്മവിശ്വാസം പകരും എന്നുറപ്പാണ്.

Story Highlight : Borna Coric beat Tsitsipas and wins Cincinnati masters.

കരിയറിൽ ആദ്യമായി സിൻസിനാറ്റി മാസ്റ്റേഴ്സ് ഫൈനലിലേക്ക് മുന്നേറി ഗ്രീക്ക് താരവും നാലാം സീഡും ആയ സ്റ്റെഫനോസ് സിറ്റിപാസ്.

കരിയറിൽ ആദ്യമായി സിൻസിനാറ്റി മാസ്റ്റേഴ്സ് ഫൈനലിലേക്ക് മുന്നേറി ഗ്രീക്ക് താരവും നാലാം സീഡും ആയ സ്റ്റെഫനോസ് സിറ്റിപാസ്. സെമിയിൽ ലോക ഒന്നാം നമ്പർ താരമായ ഡാനിൽ മെദ്വദേവിനെ മൂന്നു സെറ്റ് പോരാട്ടത്തിൽ ആണ് സിറ്റിപാസ് തോൽപ്പിച്ചത്. കരിയറിൽ ഇത് മൂന്നാം തവണയാണ് സിറ്റിപാസ് മെദ്വദേവിനെ തോൽപ്പിക്കുന്നത്. ഇരു താരങ്ങളും 3 വീതം ബ്രൈക്ക് കണ്ടത്തിയ മത്സരത്തിൽ ആദ്യ സെറ്റ് ടൈബ്രൈക്കറിൽ ആണ് സിറ്റിപാസ് സ്വന്തമാക്കുന്നത്.

രണ്ടാം സെറ്റിൽ എന്നാൽ റഷ്യൻ താരം തിരിച്ചടിച്ചു. സെറ്റ് 6-3 നു നേടിയ മെദ്വദേവ് മത്സരം മൂന്നാം സെറ്റിലേക്ക് നീട്ടി. നിർണായക ബ്രൈക്ക് മൂന്നാം സെറ്റിൽ കണ്ടത്തിയ സിറ്റിപാസ് സെറ്റ് 6-3 നു നേടി കരിയറിലെ ആദ്യ സിൻസിനാറ്റി മാസ്റ്റേഴ്സ് ഫൈനൽ ഉറപ്പിച്ചു. ഒമ്പതാം സീഡ് ബ്രിട്ടീഷ് താരം കാമറൂൺ നോറിയെ 6-3, 6-4 എന്ന സ്കോറിന് അട്ടിമറിച്ച ക്രൊയേഷ്യൻ താരം ബോർണ ചോരിച് ആണ് ഫൈനലിൽ സിറ്റിപാസിന്റെ എതിരാളി. പരിക്കിൽ നിന്നു മോചിതനായി സിൻസിനാറ്റി ഫൈനലിൽ എത്തിയ 152 റാങ്കുകാരൻ ആയ താരം സിൻസിനാറ്റി ഫൈനലിൽ എത്തുന്ന ഏറ്റവും റാങ്ക് കുറഞ്ഞ താരം കൂടിയാണ്.

Story Highlight : Stefanos Tsitsipas beat world number one Daniil Medvedev and reaches final in Cincinnati masters gonna face Borna Coric in final.

എ.ടി.പി 1000 സിൻസിനാറ്റി മാസ്റ്റേഴ്സ് സെമിഫൈനലിൽ ലോക ഒന്നാം നമ്പറും ഒന്നാം സീഡും ആയ റഷ്യയുടെ ഡാനിൽ മെദ്വദേവ്, നാലാം സീഡ് ഗ്രീക്ക് താരം സ്റ്റെഫനോസ് സിറ്റിപാസ് എന്നിവർ മുഖാമുഖം വരും.

എ.ടി.പി 1000 സിൻസിനാറ്റി മാസ്റ്റേഴ്സ് സെമിഫൈനലിൽ ലോക ഒന്നാം നമ്പറും ഒന്നാം സീഡും ആയ റഷ്യയുടെ ഡാനിൽ മെദ്വദേവ്, നാലാം സീഡ് ഗ്രീക്ക് താരം സ്റ്റെഫനോസ് സിറ്റിപാസ് എന്നിവർ മുഖാമുഖം വരും. ക്വാർട്ടർ ഫൈനലിൽ 11 സീഡ് അമേരിക്കൻ താരം ടെയിലർ ഫ്രിറ്റ്സിനെ മെദ്വദേവ് 7-6, 6-3 എന്ന സ്കോറിന് മറികടക്കുക ആയിരുന്നു. മത്സരത്തിൽ 18 ഏസുകൾ ഉതിർത്ത റഷ്യൻ താരം രണ്ടാം സെറ്റിൽ നിർണായക ബ്രൈക്ക് കണ്ടത്തിയപ്പോൾ ആദ്യ സെറ്റ് ടൈബ്രൈക്കറിൽ നേടി. ഈ വർഷത്തെ ആദ്യ എ.ടി.പി 1000 മാസ്റ്റേഴ്സ് സെമിഫൈനൽ ആണ് ലോക ഒന്നാം നമ്പർ താരത്തിന് ഇത്.

മറ്റൊരു അമേരിക്കൻ താരം ജോൺ ഇസ്നറെ മൂന്നു സെറ്റ് പോരാട്ടത്തിൽ ആണ് നാലാം സീഡ് സിറ്റിപാസ് മറികടന്നത്. സിറ്റിപാസിന്റെ തുടർച്ചയായ മൂന്നാം സെമിഫൈനൽ ആണ് സിൻസിനാറ്റിയിൽ ഇത്. ആദ്യ സെറ്റ് ടൈബ്രൈക്കറിൽ 7-6 നു സിറ്റിപാസ് നേടിയപ്പോൾ രണ്ടാം സെറ്റിൽ ബ്രൈക്ക് നേടിയ ഇസ്നർ സെറ്റ് 7-5 നു നേടി. എന്നാൽ 18 ഏസുകൾ ഉതിർത്ത ഇസ്നർക്ക് എതിരെ ആദ്യമായി ബ്രൈക്ക് പോയിന്റ് കണ്ടത്തി ബ്രൈക്ക് നേടിയ സിറ്റിപാസ് മൂന്നാം സെറ്റ് 6-3 നു നേടി മത്സരം സ്വന്തം പേരിലാക്കി. സെമിയിൽ തീപാറും പോരാട്ടം ആവും നടക്കുക എന്നുറപ്പാണ്.

നദാലിന് പുറമെ ഏഴാം സീഡ് ഫെലിക്‌സ് ആഗർ അലിയാസമെയെയും അട്ടിമറിച്ച ക്രൊയേഷ്യൻ താരം ബോർണ ചോരിചും സെമിഫൈനൽ ഉറപ്പിച്ചു. ഇരു സെറ്റുകളിലും ആയി ഓരോ വീതം ബ്രൈക്ക് നേടിയ ബോർണ 6-4, 6-4 എന്ന സ്കോറിന് ആണ് കനേഡിയൻ താരത്തെ ക്വാർട്ടർ ഫൈനലിൽ തോൽപ്പിച്ചത്. മത്സരത്തിൽ ഫെലിക്‌സ് 12 ഏസുകൾ ഉതിർത്തപ്പോൾ 8 ഏസുകൾ ബോർണ ഉതിർത്തു. സെമി ഫൈനലിൽ ഒമ്പതാം സീഡ് ബ്രിട്ടീഷ് താരം കാമറൂൺ നോറി ആണ് ബോർണയുടെ എതിരാളി.

മൂന്നു സെറ്റ് പോരാട്ടത്തിൽ ആണ് സ്പാനിഷ് താരം മൂന്നാം സീഡ് കാർലോസ് അൽകാരസിനെ നോറി അട്ടിമറിച്ചത്. ആദ്യ രണ്ടു സെറ്റുകളും ടൈബ്രൈക്കറിലേക്ക് നീണ്ടപ്പോൾ ആദ്യ സെറ്റ് നോറിയും രണ്ടാം സെറ്റ് അൽകാരസും നേടി. രണ്ടാം സെറ്റിൽ 4-1 നു മുന്നിൽ നിന്ന ശേഷം സെറ്റ് കൈവിട്ട നോറി മൂന്നാം സെറ്റിൽ 3-1 നു പിറകിൽ നിന്ന ശേഷം സെറ്റ് നിർണായക ബ്രൈക്ക് കണ്ടത്തി 6-4 നു നേടി. കരിയറിലെ ഏറ്റവും വലിയ വിജയങ്ങളിൽ ഒന്നാണ് ബ്രിട്ടീഷ് താരത്തിന് ഈ ജയം. മൂന്നു മണിക്കൂർ നീണ്ട മത്സരത്തിൽ കടുത്ത പോരാട്ടം തന്നെയാണ് ഇരു താരങ്ങളും പുറത്ത് എടുത്തത്.

എ. ടി. പി 500 മാസ്റ്റേഴ്സ് ഹാമ്പർഗ് ഓപ്പൺ ഫൈനലിൽ രണ്ടാം സീഡ് സ്റ്റെഫനോസ് സ്റ്റിസ്റ്റിപാസ് അഞ്ചാം സീഡ് ആന്ദ്ര റൂബ്ലേവിനെ നേരിടും. സീഡ് ചെയ്യാത്ത ക്രിസ്ത്യൻ ഗാരിനെ മൂന്നു സെറ്റ് നീണ്ട പോരാട്ടത്തിൽ മറികടന്നു ആണ് സ്റ്റിസ്റ്റിപാസ് ജർമ്മനിയിലെ കളിമണ്ണ് കോർട്ടിൽ ഫൈനൽ ഉറപ്പിച്ചത്. ആദ്യ സെറ്റ് 7-5 നു നേടിയ ഗ്രീക്ക് താരം രണ്ടാം സെറ്റ് 6-3 നു കൈവിട്ടു. എന്നാൽ പരിക്കിനെ തുടർന്ന് ഗാരിൻ വൈദ്യസഹായം തേടിയ മൂന്നാം സെറ്റ് 6-4 നു സ്വന്തമാക്കിയ സ്റ്റിസ്റ്റിപാസ് ഫൈനലിലേക്ക് മുന്നേറി. മത്സരത്തിൽ 12 ഏസുകൾ ആണ് സ്റ്റിസ്റ്റിപാസ് ഉതിർത്തത്.

അതേസമയം സീഡ് ചെയ്യാത്ത നോർവീജിയൻ താരം കാസ്പർ റൂഡിനെ നേരിട്ടുള്ള സെറ്റുകൾക്ക് ആണ് റഷ്യൻ താരം ആന്ദ്ര റൂബ്ലേവ് തകർത്തത്. മത്സരത്തിൽ നല്ല ആധിപത്യം പുലർത്തിയ റൂബ്ലേവ് എതിരാളിയെ 5 തവണയാണ് ബ്രൈക്ക് ചെയ്തത്. 6-4, 6-2 എന്ന സ്കോറിന് ആയിരുന്നു അഞ്ചാം സീഡിന്റെ ജയം. ഫ്രഞ്ച് ഓപ്പണിന് മുമ്പ് കിരീടം നേടിയ ആത്മവിശ്വാസം കൈവരിക്കാൻ ആവും ഇരു താരങ്ങളും നാളെ ഫൈനൽ കളിക്കാൻ ഇറങ്ങുക.