ബലാത്സംഗ കേസിൽ നേപ്പാൾ ക്രിക്കറ്റ് താരം സന്ദീപ് ലാമിച്ചനെ നേപ്പാൾ കോടതി എട്ട് വർഷത്തെ തടവിന് ശിക്ഷിച്ചു. കഴിഞ്ഞ വർഷം കാഠ്മണ്ഡുവിലെ ഒരു ഹോട്ടലിൽ വെച്ച് 17 വയസ്സുള്ള പെൺകുട്ടിയെ ബലാത്സംഗം ചെയ്ത സംഭവത്തിലാണ് ശിക്ഷ. താരം കുറ്റം ചെയ്തിട്ടുണ്ടെന്ന് നേരത്തെ കോടതി കണ്ടെത്തിയിരുന്നു.
നേരത്തെ ലമിചാനെ അറസ്റ്റ് ചെയ്യപ്പെട്ടിരുന്നു എങ്കിലും ജനുവരിയിൽ ജാമ്യത്തിലിറങ്ങിയിരുന്നു. അന്താരാഷ്ട്ര ടൂർണമെന്റുകളിൽ മത്സരിക്കാൻ ടീമിൽ തിരിച്ചെത്തുകയും ചെയ്തിരുന്നു. നേപ്പാൾ ക്രിക്കറ്റ് ബോർഡ് താരത്തെ വീണ്ടും ടീമിൽ എടുത്തത് വലിയ വിമർശനങ്ങൾ ഉയരാൻ കാരണമായിരുന്നു. എട്ടു വർഷത്തെ തടവിന് ഒപ്പം വലിയ പിഴയും ലമിചാനെക്ക് എതിരെ വിധിച്ചിട്ടുണ്ട്.