ആഴ്സണൽ ഗോൾകീപ്പർ ആരോൺ റാംസ്ഡേലിനെ സതാമ്പ്ടൺ സ്വന്തമാക്കി. 25 മില്യൺ പൗണ്ടിന് താരത്തെ സ്ഥിര കരാറിൽ ആണ് സതാംപ്ടൺ സ്വന്തമാക്കുന്നത്. 26കാരനായ ഗോൾകീപ്പർ ഇന്ന് തന്നെ വൈദ്യപരിശോധനയ്ക്ക് വിധേയനാകും.
23 കാരനായ എസ്പാൻയോൾ ഗോൾകീപ്പർ ജോവാൻ ഗാർഷ്യയെ ആഴ്സണൽ സ്വന്തമാക്കാൻ ശ്രമിക്കുന്നുണ്ട്. കഴിഞ്ഞ വേനൽക്കാലത്ത് ബ്രെൻ്റ്ഫോർഡിൽ നിന്ന് ഡേവിഡ് റയ എത്തിയത് മുതൽ ആഴ്സണലിൽ റാംസ്ഡെയ്ൽ രണ്ടാം സ്ഥാനത്തായിരുന്നു.
റാംസ്ഡെലിന്റെ വരവ് സതാമ്പ്ടണെ ശക്തരാക്കും. 34 കാരനായ അലക്സ് മക്കാർത്തി ആയിരുന്നു ഈ സീസണിൽ സതാംപ്ടണിൻ്റെ ആദ്യ രണ്ട് ലീഗ് മത്സരങ്ങളിൽ വല കാത്തത്.
