Tag: Rameez Raja

പാകിസ്ഥാൻ ക്രിക്കറ്റ് ബോർഡിന്റെ ചെയർമാനായി മുൻ പാകിസ്ഥാൻ ക്യാപ്റ്റനും പ്രമുഖ കമന്റേറ്ററുമായ റമീസ് രാജ നാളെ ചുമതലയേൽക്കും. നാളെ നടക്കുന്ന ബോർഡ് ഓഫ് ഗവർണേഴ്‌സിന്റെ പ്രേത്യേക മീറ്റിംഗിലാവും റമീസ് രാജയെ പി.സി.ബി ചെയർമാനായി തിരഞ്ഞെടുക്കുക. പാകിസ്ഥാൻ പ്രധാനമന്ത്രിയായ ഇമ്രാൻ ഖാൻ ആണ് റമീസ് രാജയെ പി.സി.ബി ചെയർമാൻ സ്ഥാനത്തേക്ക് ശുപാർശ ചെയ്തത്.

നേരത്തെ പി.സി.ബി ചെയർമാനായിരുന്ന ഇഹ്‌സാൻ മാനി 3 വർഷത്തെ കാലാവധി കഴിഞ്ഞതോടെയാണ് പുതിയ ചെയർമാനെ തിരഞ്ഞെടുക്കാൻ തീരുമാനിച്ചത്. ഔദ്യോഗിമായി ചുമതല ഏറ്റെടുക്കുന്നതിന് മുൻപ് തന്നെ റമീസ് രാജ ടി20 ലോകകപ്പിനുള്ള പാകിസ്ഥാൻ ക്രിക്കറ്റ് ടീമിന്റെ തിരഞ്ഞെടുപ്പിൽ ഇടപെട്ടിരുന്നു എന്നും പാകിസ്ഥാൻ മാധ്യമങ്ങൾ റിപ്പോർട്ട് ചെയ്തിരുന്നു.

എഹ്സാന്‍ മാനിയ്ക്ക് പിന്‍ഗാമിയായി പാക്കിസ്ഥാന്‍ ക്രിക്കറ്റിന്റെ തലപ്പത്തേക്ക് റമീസ് രാജ എത്തുമെന്ന് സൂചനകള്‍. മാനിയുടെ മൂന്ന് വര്‍ഷത്തെ കരാര്‍ സെപ്റ്റംബര്‍ 2021ൽ അവസാനിക്കുവാനിരിക്കവേയാണ് ഈ പുതിയ മാറ്റത്തിന് കളമൊരുങ്ങുന്നുവെന്ന വാര്‍ത്ത പുറത്ത് വരുന്നത്.

പാക്കിസ്ഥാന്‍ പ്രധാന മന്ത്രി ഇമ്രാന്‍ ഖാന്‍ ആവും ഇതിൽ അന്തിമ തീരുമാനം എടുക്കുകയെന്നാണ് ലഭിയ്ക്കുന്ന വിവരം. എഹ്സാന്‍ മാനിയുടെ പ്രകടനത്തിൽ തൃപ്തിയില്ലാതത്തിനാലാണ് മാനിയുടെ കരാര്‍ പുതുക്കി നല്‍കാത്തതെന്നാണ് അറിയുന്ന വിവരം.

ഇംഗ്ലണ്ടിനെതിരെെയുള്ള ടെസ്റ്റ് പരമ്പരയില്‍ തീര്‍ച്ചയായും ഒരു അവസമെഹ്കിലും ഫവദ് അലമിന് നല്‍കേണ്ടതുണ്ടെന്ന് അഭിപ്രായപ്പെട്ട് മുന്‍ താരം റമീസ് രാജ. 2009ല്‍ കൊളംബോയില്‍ ശ്രീലങ്കയ്ക്കെതിരെ അരങ്ങേറ്റം കുറിച്ച താരം ഇതുവരെ മൂന്ന് ടെസ്റ്റുകളില്‍ മാത്രമാണ് കളിച്ചിട്ടുള്ളത്.

ആഭ്യന്തര ക്രിക്കറ്റില്‍ മികച്ച പ്രകടനം പുറത്തെടുക്കുമ്പോള്‍ പാക്കിസ്ഥാന്‍ ദേശീയ ടീമിലേക്ക് താരത്തിന് പ്രവേശനം പലപ്പോഴും നിഷേധിക്കുകയായിരുന്നു. ഇപ്പോള്‍ പ്രായം താരത്തിന് അനുകൂലമല്ലാത്ത സ്ഥിതിയിലേക്ക് പോകുമ്പോള്‍ അദ്ദേഹത്തിന് ഒരവസരം നല്‍കുന്നില്ലെങ്കില്‍ അത് നീതികേടാണെന്ന് റമീസ് വ്യക്തമാക്കി.