2019 സ്പിസ്സ് ഓപ്പണില് ഇന്ത്യയുടെ പാരുപ്പള്ളി കശ്യപിനു ജയം. ആദ്യ റൗണ്ട് മത്സരത്തില് സ്വീഡന്റെ ഫെലിക്സ് ബുര്സ്റ്റെഡ്റ്റിനെയാണ് കശ്യപ് നേരിട്ടുള്ള ഗെയിമില് പരാജയപ്പെടുത്തിയത്. 47 മിനുട്ട് നീണ്ട മത്സരത്തില് ഇരു ഗെയിമുകളിലും അവസാനം വരെ ഫെലിക്സ് പൊരുതിയെങ്കിലും കശ്യപ് ശക്തമായ സാന്നിധ്യം അറിയിച്ച് മത്സരം പോക്കറ്റിലാക്കി. സ്കോര്: 21-19, 21-17.
അതേ സമയം ഡബിള്സില് അര്ജ്ജുന് എംആര്-രാമചന്ദ്രന് ശ്ലോക് സഖ്യവും മനു അട്രി-സുമീത് റെഡ്ഢി കൂട്ടുകെട്ടും ആദ്യ റൗണ്ടില് പരാജയം ഏറ്റുവാങ്ങി. അര്ജ്ജുന്-രാമചന്ദ്രന് ടീം ജര്മ്മനിയുടെ ടീമിനെതിരെ നേരിട്ടുള്ള ഗെയിമില് 18-21, 20-22 എന്ന സ്കോറിനു കീഴടങ്ങിയപ്പോള് മനു-സുമീത് സഖ്യം മൂന്ന് ഗെയിം പോരാട്ടത്തിലാണ് കീഴടങ്ങിയത്. സ്കോര് 21-18, 17-21, 10-21.