Tag: R Ashwin

ലോകകപ്പിന്റെ ഫൈനലിൽ സ്പിന്നർ രവിചന്ദ്രൻ അശ്വിനെ ആദ്യ ഇലവനിൽ എടുക്കേണ്ട കാര്യമില്ല എന്ന് ഗംഭീർ. ഇന്ത്യ ഇപ്പോൾ ഒരു മാറ്റം വരുത്തേണ്ട കാര്യമില്ല എന്ന് ഗംഭീർ പറയുന്നു. അഹമ്മദാബാദ് പിച്ച് സ്പിന്നിനെ തുണക്കും എന്നതിനാൽ അശ്വിൻ ആദ്യ ഇലവനിലേക്ക് വരും എന്ന് അഭ്യൂഹങ്ങൾ ഉയരുന്ന സാഹചര്യത്തിലാണ് ഗംഭീറിന്റെ പ്രതികരണം.

സ്‌പോർട്‌സ്‌കീഡയോട് സംസാരിച്ച ഗംഭീർ, അശ്വിന് ആദ്യ ഇലവനിൽ ഇടം കാണുന്നില്ലെന്ന് പറഞ്ഞു. അശ്വിനെ ആദ്യ ഇലവനിൽ കളിപ്പിക്കണം എന്ന് ഞാൻ കരുതുന്നില്ല. ഞാൻ അവനു ടീമിൽ ഒരു സ്ഥലം കാണുന്നില്ല, നിങ്ങൾ എന്തിനാണ് ഈ മാറ്റം വരുത്തുന്നത്‌. ഇപ്പോൾ ഉള്ളത് നിങ്ങൾക്കായി മികച്ച രീതിയിൽ പ്രവർത്തിക്കുമ്പോൾ? നിങ്ങളുടെ അഞ്ച് ബൗളർമാരിൽ നിന്ന് ഇതിനേക്കാൾ എന്ത് മികച്ച പ്രകടനമാണ് നിങ്ങൾക്ക് പ്രതീക്ഷിക്കാനാവുക,” ഗംഭീർ പറഞ്ഞു.

“ഹാർദിക്കിന്റെ പരിക്കിന് ശേഷം, അഞ്ച് സ്പെഷ്യലിസ്റ്റ് ബൗളർമാർ ആയതിനാൽ ഒന്നോ രണ്ടോ പേരെ എതിർ ടീമുകൾ ടാർഗെറ്റുചെയ്യുമെന്ന് ഞങ്ങൾ കരുതി. എന്നിരുന്നാലും, അഞ്ച് ബൗളർമാരുടെ നിലവാരം കാരണം അത് സംഭവിച്ചില്ല. ഞങ്ങൾ ബാറ്ററുമാരെ കുറിച്ച് ഒരുപാട് സംസാരിച്ചു, ഈ സമ്മർദ്ദത്തിൻകീഴിൽ മികച്ച രീതിയിൽ പന്തെറിയുന്നതിന് ബൗളർമാരെ പ്രശംസിക്കേണ്ട സമയമാണിതെന്ന് എനിക്ക് തോന്നുന്നു, ”ഗംഭീർ കൂട്ടിച്ചേർത്തു.

ഇന്ത്യ അവരുടെ ലോകകപ്പ് ടീമിൽ അവസാന മാറ്റം വരുത്തി‌. പരിക്കേറ്റ അക്സർ പട്ടേലിന് പകരം ഓഫ് സ്പിന്നർ ആർ അശ്വിൻ 15 അംഗ ടീമിലേക്ക് എത്തി. അശ്വിൻ ടീമിനൊപ്പം ഗുവാഹത്തിയിലേക്ക് യാത്ര തിരിച്ചു. ഏഷ്യ കപ്പിന് ഇടയിൽ ആയിരുന്നു അക്സർ പട്ടേലിന് പരിക്കേറ്റത്‌.

2018 ന്റെ തുടക്കം മുതൽ 4 ഏകദിനങ്ങൾ മാത്രമാണ് ആർ അശ്വിന് കളിച്ചത്. ഓസ്‌ട്രേലിയയ്‌ക്കെതിരായ 3 മത്സര ഏകദിന പരമ്പരയിൽ ഇന്ത്യ അശ്വിന് അവസരം നൽകിയിരുന്നു‌‌. ഇംഗ്ലണ്ടിനെതിരെ ഇന്ത്യയുടെ ആദ്യ സന്നാഹ മത്സരത്തിനുള്ള സ്ക്വാഡിൽ അശ്വിനും ഉണ്ടാകും.

അശ്വിൻ ഇതിനു മുമ്പ് രണ്ട് ഏകദിന ലോകകപ്പിൽ ഇന്ത്യക്ക് ആയി കളിച്ചിട്ടുണ്ട്. 2011ൽ ഇന്ത്യ ലോകകപ്പ് ജയിച്ചപ്പോഴും അശ്വിൻ സ്ക്വാഡിൽ ഉണ്ടായിരുന്നു.