ഇന്ത്യ അവരുടെ ലോകകപ്പ് ടീമിൽ അവസാന മാറ്റം വരുത്തി. പരിക്കേറ്റ അക്സർ പട്ടേലിന് പകരം ഓഫ് സ്പിന്നർ ആർ അശ്വിൻ 15 അംഗ ടീമിലേക്ക് എത്തി. അശ്വിൻ ടീമിനൊപ്പം ഗുവാഹത്തിയിലേക്ക് യാത്ര തിരിച്ചു. ഏഷ്യ കപ്പിന് ഇടയിൽ ആയിരുന്നു അക്സർ പട്ടേലിന് പരിക്കേറ്റത്.
2018 ന്റെ തുടക്കം മുതൽ 4 ഏകദിനങ്ങൾ മാത്രമാണ് ആർ അശ്വിന് കളിച്ചത്. ഓസ്ട്രേലിയയ്ക്കെതിരായ 3 മത്സര ഏകദിന പരമ്പരയിൽ ഇന്ത്യ അശ്വിന് അവസരം നൽകിയിരുന്നു. ഇംഗ്ലണ്ടിനെതിരെ ഇന്ത്യയുടെ ആദ്യ സന്നാഹ മത്സരത്തിനുള്ള സ്ക്വാഡിൽ അശ്വിനും ഉണ്ടാകും.
അശ്വിൻ ഇതിനു മുമ്പ് രണ്ട് ഏകദിന ലോകകപ്പിൽ ഇന്ത്യക്ക് ആയി കളിച്ചിട്ടുണ്ട്. 2011ൽ ഇന്ത്യ ലോകകപ്പ് ജയിച്ചപ്പോഴും അശ്വിൻ സ്ക്വാഡിൽ ഉണ്ടായിരുന്നു.