തെലുഗു ടൈറ്റന്സിനെതിരെ 1 പോയിന്റ് വിജയം നേടി പുനേരി പള്ട്ടന്. ഇന്ന് നടന്ന രണ്ടാമത്തെ മത്സരത്തിൽ 34-33 എന്ന സ്കോറിന് ആണ് വിജയം. പള്ട്ടന് വേണ്ടി രാഹുല് ചൗധരിയും തെലുഗു ടൈറ്റന്സ് സിദ്ധാര്ത്ഥ് ദേശായി എന്നിവരും 15 പോയിന്റും നേടി ഒപ്പത്തിനൊപ്പം നില്ക്കുകയായിരുന്നു.
അതേ സമയം പുനേരി പള്ട്ടന് അസ്ലാം ഇനാംദാര് എട്ട് പോയിന്റും മോഹിത് ഗോയത് 9 പോയിന്റും നേടി പുനെ നിരയിൽ തിളങ്ങി. പകുതി സമയത്ത് 20-14ന് തെലുഗു ടൈറ്റന്സ് ആയിരുന്നു മുന്നിലെങ്കിലും രണ്ടാം പകുതിയിൽ 20-13 എന്ന നിലയിൽ പള്ട്ടന് ആധിപത്യം പുലര്ത്തി.