Tag: Prasanth Mohan

കേരള ബ്ലാസ്റ്റേഴ്സിന്റെ മുൻ താരം പ്രശാന്ത് മോഹൻ ചെന്നൈയിനിൽ തിളങ്ങുന്നതിൽ സന്തോഷം ഉണ്ട് എന്ന് കേരള ബ്ലാസ്റ്റേഴ്സ് പരിശീലകൻ ഇവാൻ വുകമാനോവിച്. ചെന്നൈയിനെ നേരിടുന്നതിന് മുന്നോടിയായി സംസാരിക്കുക ആയിരുന്നു ഇവാൻ. പ്രശാന്തിന് കളിക്കാൻ കൂടുതൽ സമയം ലഭിക്കേണ്ടതുണ്ടായിരുന്നു എന്നും അതാണ് താരം ക്ലബ് വിട്ടത് എന്നും ഇവാൻ പറഞ്ഞു. ഏതൊരു താരത്തിനും കുറച്ച് കാലം കഴിയുമ്പോൾ ഒരു പുതിയ ഊർജ്ജം ആവശ്യം വരും. ഇവാൻ പറഞ്ഞു.

പ്രശാന്തിന് ഇത് മികച്ച നീക്കം ആണെന്നും അദ്ദേഹം ഹൈ ലെവലിൽ കളിക്കുന്നത് കാണാൻ ആകുന്നതിൽ സന്തോഷം ഉണ്ടെന്നും ഇവാൻ പറഞ്ഞു. നീണ്ടകാലമായി കേരളത്തിന് ഒപ്പം ഉണ്ടായിരുന്ന പ്രശാന്ത് ഈ കഴിഞ്ഞ സമ്മറിൽ ആയിരുന്നു ചെന്നൈയിനിലേക്ക് മാറിയത്. പ്രശാന്ത് ഒരു മികച്ച വ്യക്തിയും മികച്ച താരവും ആണെന്നും തനിക്ക് ഇഷ്ടമുള്ള താരമാണ് പ്രശാന്ത് എന്നും കോച്ച് പറഞ്ഞു.

കേരള ബ്ലാസ്റ്റേഴ്സ് വിട്ട പ്രശാന്ത് മോഹൻ ഇനി ഐ എസ് എൽ ക്ലബായ ചെന്നൈയിന് ഒപ്പം. ഹാഫ് വേ ഫുട്ബോൾ ഡോട്ട് കോം ആണ് പ്രശാന്ത് ചെന്നൈയിനുമായി കരാർ ഒപ്പുവെച്ചതായി റിപ്പോർട്ട് ചെയ്യുന്നത്‌. ഒരു വർഷത്തെ കരാർ താരം ക്ലബുമായി ഒപ്പുവെച്ചു. നേരത്തെ പ്രശാന്ത് ഗോകുലത്തിലേക്ക് എന്നുള്ള അഭ്യൂഹങ്ങൾ ഉണ്ടായിരുന്നു.

കൂടുതൽ അവസരങ്ങൾ ലഭിക്കാൻ വേണ്ടിയാണ് പ്രശാന്ത് കേരള ബ്ലാസ്റ്റേഴ്സ് വിടാൻ തീരുമാനിച്ചത്. ചെന്നൈയിനിൽ കൂടുതൽ അവസരങ്ങൾ ലഭിക്കും എന്ന് പ്രശാന്ത് കരുതുന്നു.

അവസാന അറ് സീസണുകളായി പ്രശാന്ത് ബ്ലാസ്റ്റേഴ്സിന് ഒപ്പം ആയിരുന്നു. 2017ൽ കേരള ബ്ലാസ്റ്റേഴ്സിനായി അരങ്ങേറിയത് മുതൽ പ്രശാന്ത് ടീമിൽ സജീവമായുണ്ടായിരുന്നു. ബ്ലാസ്റ്റേഴ്സിനായി ഐ എസ് എല്ലിൽ 61 മത്സരങ്ങൾ കളിച്ചിട്ടുണ്ട്.

മുൻ ഇന്ത്യൻ അണ്ടർ 20 താരമാണ് പ്രശാന്ത് മോഹൻ. കോഴിക്കോട് സ്വദേശിയാണ് പ്രശാന്ത് മോഹൻ. ഇന്ത്യയെ അണ്ടർ 14, അണ്ടർ 16 വിഭാഗത്തിലും പ്രശാന്ത് മോഹൻ പ്രതിനിധീകരിച്ചിട്ടുണ്ട്.

Source: https://halfwayfootball.com/isl-chennaiyin-fc-sign-prasanth-k-on-a-season-long-deal/

കേരള ബ്ലാസ്റ്റേഴ്സ് ജേഴ്സിൽ അവസാന അറ് സീസണുകളായി ഉണ്ടായിരുന്ന പ്രശാന്ത് ഇനി ക്ലബിനൊപ്പം ഇല്ല. പ്രശാന്ത് മോഹൻ ക്ലബ് വിട്ടതായി കേരള ബ്ലാസ്റ്റേഴ്സ് ഇന്ന് ഔദ്യോഗികമായി പ്രഖ്യാപിച്ചു. കേരള ബ്ലാസ്റ്റേഴ്സിന്റെ നിലവിലെ ടീമിൽ ഏറ്റവും കൂടുതൽ കാലമായി കേരള ബ്ലാസ്റ്റേഴ്സിന് ഒപ്പം ഉള്ള താരമായിരുന്നു പ്രശാന്ത് മോഹൻ.

പ്രശാന്തിന്റെ കരാർ റദ്ദാക്കി താരത്തെ ഫ്രീ ഏജന്റാക്കി മാറ്റാൻ ആണ് കേരള ബ്ലാസ്റ്റേഴ്സ് തീരുമാനിച്ചത്. പ്രശാന്തിന് 2023 വരെ കേരള ബ്ലാസ്റ്റേഴ്സിൽ കരാർ ഉണ്ടായിരുന്നു. കൂടുതൽ അവസരങ്ങൾ കിട്ടാനായാണ് പ്രശാന്ത് കേരള ബ്ലാസ്റ്റേഴ്സ് വിടുന്നത്.

2017ൽ കേരള ബ്ലാസ്റ്റേഴ്സിനായി അരങ്ങേറിയത് മുതൽ പ്രശാന്ത് ടീമിൽ സജീവമായുണ്ട്. എന്നാൽ പലപ്പോഴും ആരാധകരുടെ വിമർശങ്ങൾ ആണ് താരത്തിന് കൂടുതൽ ലഭിച്ചത്. തന്റെ ടീമിലെ സ്ഥാനം ഉറപ്പിക്കുന്ന പ്രകടനം നടത്താനും പ്രശാന്തിനായിരുന്നില്ല. ബ്ലാസ്റ്റേഴ്സിനായി ഐ എസ് എല്ലിൽ 61 മത്സരങ്ങൾ കളിച്ചിട്ടുണ്ട്.

മുൻ ഇന്ത്യൻ അണ്ടർ 20 താരമാണ് പ്രശാന്ത് മോഹൻ. കോഴിക്കോട് സ്വദേശിയാണ് പ്രശാന്ത് മോഹൻ. ഇന്ത്യയെ അണ്ടർ 14, അണ്ടർ 16 വിഭാഗത്തിലും പ്രശാന്ത് മോഹൻ പ്രതിനിധീകരിച്ചിട്ടുണ്ട്.