സ്പാനിഷ് പ്രതിരോധതാരം പൗ ടോറസ് ആസ്റ്റൺ വില്ലയിലേക്ക്. നിലവിൽ ക്ലബുകൾ തമ്മിൽ താരത്തെ കൈമാറുന്ന കാര്യത്തിൽ ധാരണയിൽ എത്തി. നേരത്തെ തന്നെ താരവും ആയി വില്ല വ്യക്തിഗത ധാരണയിൽ എത്തിയിരുന്നു. നേരത്തെ ബയേണും താരത്തിന് ആയി രംഗത്ത് വന്നിരുന്നു.
26 കാരനായ പൗ ടോറസിന് ആയി പരിശീലകൻ ഉനയ് എമറെയും സ്പോർട്ടിങ് ഡയറക്ടർ മോഞ്ചിയും വലിച്ച ചരടുകൾ ആണ് വില്ലക്ക് ഗുണകരമായത്. തനിക്ക് കീഴിൽ മുമ്പ് വില്ലറയലിൽ കളിച്ച താരത്തെ ടീമിൽ എത്തിക്കാൻ വലിയ ശ്രമങ്ങൾ ആണ് എമറെ നടത്തിയത്. നിലവിൽ ട്രാൻസ്ഫർ വിപണിയിൽ മികച്ച നീക്കങ്ങൾ നടത്തുന്ന വില്ല സ്വന്തമാക്കുന്ന മറ്റൊരു മികച്ച താരമാണ് പൗ ടോറസ്.
