Tag: North East United

ഗുവാഹത്തിയിലെ ഇന്ദിരാഗാന്ധി അത്‌ലറ്റിക് സ്റ്റേഡിയത്തിൽ നടന്ന ഐഎസ്എൽ പോരാട്ടത്തിൽ നോർത്ത് ഈസ്റ്റ് യുണൈറ്റഡ് എഫ്‌സിക്കെതിരെ ചെന്നൈയിൻ എഫ്‌സി 3-2ന് നാടകീയമായ തിരിച്ചുവരവ് നേടി. ഉജ്ജ്വലമായ പ്രത്യാക്രമണത്തിലൂടെ അഞ്ചാം മിനിറ്റിൽ നെസ്റ്റർ ആൽബിയച്ചിൻ്റെ ഗോളിൽ ഹൈലാൻഡേഴ്‌സ് നേരത്തെ തന്നെ സ്‌കോറിംഗ് ആരംഭിച്ചു. എന്നിരുന്നാലും ചെന്നൈയിൻ തിരിച്ചടിച്ചു. 25-ാം മിനിറ്റിൽ വിൽമർ ജോർദാൻ ഗിൽ സമനില ഗോൾ നേടി.

പത്തു മിനിറ്റിനുശേഷം, റയാൻ എഡ്വേർഡ്സിൻ്റെ ഒരു ഫൗൾ ചെന്നൈയിന് പെനാൽറ്റി നേടിക്കൊടുത്തു, ലൂക്കാസ് ബ്രംബില്ല ആ കിക്ക് ലക്ഷ്യത്തിൽ എത്തിച്ച് ഹാഫ്ടൈമിന് മുമ്പ് സന്ദർശകർക്ക് 2-1ന്റെ ലീഡ് നൽകി.

രണ്ടാം പകുതിയിൽ ചെന്നൈയിൻ അവരുടെ ആക്രമണ കുതിപ്പ് തുടർന്നു, 51-ാം മിനിറ്റിൽ വിൽമർ ജോർദാൻ ഗിൽ വീണ്ടും ഗോൾ നേടി, അവരുടെ ലീഡ് 3-1 ആയി ഉയർത്തി. 89-ാം മിനിറ്റിൽ അലാഡിൻ അജാറൈ പെനാൽറ്റി നേടിയത് കളി ആവേശകരമാക്കി. എങ്കിലും വിജയം ഉറപ്പിക്കാൻ ചെന്നൈയിനായി.

ചെന്നൈയിൻ എഫ്‌സി അവരുടെ അടുത്ത മത്സരത്തിൽ ഒക്ടോബർ 24 ന് എഫ്‌സി ഗോവയെ നേരിടും. നോർത്ത് ഈസ്റ്റ് യുണൈറ്റഡ് എഫ്‌സി ഒക്ടോബർ 26 ന് ജംഷഡ്പൂർ എഫ്‌സിയെയും നേരിടും.

ഇന്ത്യൻ സൂപ്പർ ലീഗ് പ്ലേ ഓഫ് യോഗ്യതക്ം ആയുള്ള നിർണായക മത്സരത്തിൽ ചെന്നൈയിൻ നോർത്ത് ഈസ്റ്റ് യുണൈറ്റഡിനെ പരാജയപ്പെടുത്തി. ആവേശകരമായ മത്സരത്തിൽ ഒന്നിനെതിരെ രണ്ടു ഗോളുകൾക്കായിരുന്നു ചെന്നൈയിൽ വിജയിച്ചത്. മത്സരത്തിന്റെ ഇഞ്ചുറി ടൈമിൽ നേടിയ ഗോളിലാണ് ചെന്നൈയിൻ വിജയിച്ചത്. ഇതോടെ ചെന്നൈയിൽ പ്ലേ ഓഫ് യോഗ്യതയ്ക്ക് അരികത്ത് എത്തിയിരിക്കുകയാണ്. നോർത്ത് ഈസ്റ്റിന്റെ പ്ലേ ഓഫ് പ്രതീക്ഷകൾ ആകട്ടെ ഇതോടെ അവസാനിക്കുകയും ചെയ്തു.

ഇന്ന് മത്സരത്തിന്റെ ആദ്യ പകുതിയിൽ ഗോളൊന്നും വന്നിരുന്നില്ല‌ രണ്ടാം പകുതിയുടെ തുടക്കത്തിൽ മലയാളി താരം ജിതിനിലൂടെ നോർത്ത് ഈസ്റ്റ് ലീഡ് എടുത്തു‌. പക്ഷേ പതറാൻ ചെന്നൈ തയ്യാറായില്ല. അവർ അവരുടെ ഹോം ഗ്രൗണ്ടിൽ ശക്തമായി തിരിച്ചടിച്ചു‌ മത്സരത്തിന്റെ 72 മിനിറ്റിൽ ആകാശ് സംഗ്വാനിലൂടെ അവർ സമനില പിടിച്ചു. പിന്നീട് വിജയത്തിനായി ആഞ്ഞു ശ്രമിച്ചു. 91ആം മിനിറ്റിലാണ് വിജയഗോൾ വന്നത്. അങ്കിത് മുഖർജിയുടെ ഒരു ഗംഭീര ഗ്രൗണ്ടർ നോർത്ത് ഈസ് ഗോൾകീപ്പറെ മറികടന്ന് വലയിൽ പതിക്കുകയായിരുന്നു.

ഈ വിജയത്തോടെ ചെന്നൈയിന് 21 മത്സരങ്ങളിൽ നിന്ന് 27 പോയിന്റായി‌. അവർ ആറാംസ്ഥാനത്ത് നിൽക്കുകയാണ്. ഈസ്റ്റ് ബംഗാളിൽ മാത്രമേ ഇനി ചെന്നൈയിനെ മറികടക്കാൻ ആകൂ. അടുത്ത മത്സരത്തിൽ ഒരു സമനില എങ്കിലും നേടിയാൽ ചെന്നൈയിന് പ്ലേ ഓഫ് യോഗ്യത നേടാം. അല്ലെങ്കിൽ ഈസ്റ്റ് ബംഗാൾ പോയിൻറ് നഷ്ടപ്പെടുത്തിയാലും ചെന്നൈയിന് ആറാം സ്ഥാനം ഉറപ്പിക്കാൻ ആകും.

ഈസ്റ്റ് ബംഗാൾ അവസാന മത്സരത്തിൽ പഞ്ചാബിനെയും ചെന്നൈയിൻ അവസാന മത്സരത്തിൽ എഫ് സി ഗോവയെയും ആണ് നേരിടേണ്ടത്. ഈസ്റ്റ് ബംഗാളിന് ഇപ്പോൾ 24 പോയിന്റാണ് ഉള്ളത്‌. ചെന്നൈയിന് ഒപ്പം എത്താൻ ആയാൽ അവർക്ക് ഹെഡ് ഹെഡ് ടു ഹെഡ് മികവിൽ ചെന്നൈയിന് മുന്നിൽ ഫിനിഷ് ചെയ്യാൻ ആകും‌ അതുകൊണ്ട് അവസാന മത്സരത്തിൽ ചെന്നൈയിൻ ഒരു പോയിൻറ് നേടുകയോ ഈസ്റ്റ് ബംഗ വിജയിക്കാതിരിക്കുകയോ ചെയ്താൽ അവർക്ക് യോഗ്യത നേടാം.

23 പോയിന്റ് ഉള്ള നോർത്ത് ഈസ്റ്റിന് ഇനി അവസാന മത്സരം വിജയിച്ചാലും ആറാം സ്ഥാനത്ത് എത്താൻ ആകില്ല‌

ഇന്ത്യൻ സൂപ്പർ ലീഗിൽ (ISL) ഇനി ശേഷിക്കുന്ന അവസാന പ്ലേ ഓഫ് സ്ഥാനത്തിനായി ആറ് ടീമുകളാണ് മത്സരിക്കുന്നത്. സീസൺ അവസാന ഘട്ടത്തിലേക്ക് കടക്കുമ്പോൾ ആറാം സ്ഥാനത്തിന് വേണ്ടിയുള്ള അംഗം മുറുകുകയാണ്. മുംബൈ സിറ്റി് മോഹൻ ബഗാൻ, ഒഡീഷ എഫ്സി, എഫ് സി ഗോവ, കേരള ബ്ലാസ്റ്റേഴ്സ് എന്നിവരാണ് ഇതിനകം പ്ലേ ഓഫ് ഉറപ്പിച്ച 5 ടീമുകൾ.

ആറാം സ്ഥാനത്ത് ഇപ്പോൾ ബെംഗളൂരു ആണ് നിൽക്കുന്നത്‌. എങ്കിലും അവർക്ക് പിറകിലുള്ള 5 ടീമുകൾ കൂടെ ആ സ്ഥാനത്തിന് ഇപ്പോഴും പൊരുതുകയാണ്. ആറാമതുള്ള ബെംഗളൂരു എഫ് സിയും പത്താം സ്ഥാനത്തുള്ള നോർത്ത് ഈസ്റ്റ് യുണൈറ്റഡും തമ്മിൽ 2 പോയിന്റിന്റെ വ്യത്യാസം മാത്രമേ ഉള്ളൂ. അതുകൊണ്ടുതന്നെ അവസാന റൗണ്ടുകളിൽ എന്തും സംഭവിക്കാം എന്ന അവസ്ഥയാണുള്ളത്.

ആര് പ്ലേ ഓഫ് ഉറപ്പിക്കുമെന്ന് പ്രവചിക്കാൻ പറ്റാത്ത അവസ്ഥയിലാണുള്ളത്. നോർത്ത് ഈസ്റ്റ്, ചെന്നൈയിൻ എഫ്സി എന്നിവർക്ക് ഇനി മൂന്നു മത്സരങ്ങൾ ശേഷിക്കുമ്പോൾ, ബംഗളൂരു എഫ് സി് ഈസ്റ്റ് ബംഗാൾ, ജംഷഡ്പൂര് എഫ്സി, പഞ്ചാബ് എഫ് സി എന്നിവർക്ക് രണ്ടു മത്സരങ്ങളാണ് ശേഷിക്കുന്നത്.

ബംഗളൂരു എഫ്സി 22 പോയിന്റിൽ നിൽക്കുമ്പോൾ, ഈസ്റ്റ് ബംഗാൾ, ജംഷഡ്പൂർ, പഞ്ചാബ്് ചെന്നൈയിൻ എന്നിവർ 21 പോയിന്റിൽ നിൽക്കുന്നു‌. നോർത്ത് ഈസ്റ്റ് യുണൈറ്റഡിന് 22 പോയിന്റാണ് ഉള്ളത്.