Tag: Nihal Sudeesh

കേരള ബ്ലാസ്റ്റേഴ്സ് യുവതാരം നിഹാൽ സുധീഷിന് പുതിയ കരാർ. ക്ലബിൽ താരം പുതിയ മൂന്ന് വർഷത്തെ കരാർ ആണ് ഒപ്പുവെച്ചത്. ‌ നിഹാൽ സുധീഷ് 2026 വരെ തന്റെ ഭാവി ക്ലബ്ബിന് സമർപ്പിക്കുന്ന പുതിയ കരാറിൽ ഒപ്പുവെച്ചതായി കേരള ബ്ലാസ്റ്റേഴ്‌സ് എഫ്‌സി അറിയിച്ചു.

കേരള ബ്ലാസ്റ്റേഴ്‌സ് യൂത്ത് ടീമിന്റെ അവിഭാജ്യ ഘടകമായിരുന്ന ഈ കൊച്ചിക്കാരൻ കഴിഞ്ഞ വർഷത്തെ ഹീറോ ഐഎസ്എല്ലിനിടെ സീനിയർ ടീമിലും ഇടംപിടിച്ചു. 2015-16 ഹീറോ ഐ‌എസ്‌എൽ സീസണിൽ, കൊച്ചി ജവഹർലാൽ നെഹ്‌റു സ്റ്റേഡിയത്തിന്റെ ഒരു ബോൾ ബോയ് ആയി നിഹാൽ ഉണ്ടായിരുന്നു. അവിടെ നിന്നാണ് താരം സീനിയർ ടീം വരെ എത്തിയത്.

നിഹാൽ 2019-20 ഐ-ലീഗ് രണ്ടാം ഡിവിഷനിൽ കെബിഎഫ്‌സി റിസർവ്സ് ടീമിനായി കളിച്ചിരുന്നു‌. 2022ൽ റിലയൻസ് ഫൗണ്ടേഷൻ ഡെവലപ്‌മെന്റ് ലീഗിലും യുകെയിൽ നടന്ന നെക്സ്റ്റ് ജെൻ കപ്പിലും ക്ലബ്ബിന്റെ റിസർവ് ടീമിനായി കളിച്ചു. അദ്ദേഹത്തിന്റെ മികച്ച പ്രകടനങ്ങൾ പ്രീ-സീസണിൽ സീനിയർ ടീമിനൊപ്പം താരത്തിന് അവസരം ലഭിക്കാൻ കാരണമായി. ഈ സീസണിൽ ഹീറോ ഐഎസ്എൽ, സൂപ്പർ കപ്പ് എന്നിവയിൽ നിഹാൽ 6 മത്സരങ്ങൾ കളിച്ചു

ഇന്ന് കേരള ബ്ലാസ്റ്റേഴ്സ് ഒഡീഷ ഡിഫൻസിനെ കീഴ്പ്പെടുത്താൻ പ്രയാസപ്പെടുമ്പോൾ ആയിരുന്നു നിഹാൽ സുധീഷ് എന്ന 21കാരന കളത്തിലേക്ക് എത്തുന്നത്. 70ആം മിനുട്ടിൽ രാഹുലിന് പകരം നിഹാൽ കളത്തിൽ എത്തിയത് മുതൽ ഒഡീഷയ്ക്ക് തലവേദന സൃഷ്ടിക്കാൻ തുടങ്ങി. നിഹാലിന്റെ ആദ്യ നീക്കം സഹലിന്റെ ഒരു ത്രൂ ബോൾ കണക്ട് ചെയ്യാൻ ആയിരുന്നു. തന്റെ 100% തന്നെ നൽകി ഡൈവ് ചെയ്തെങ്കിലും നിഹാലിന് അത് കണക്ട് ചെയ്യാൻ ആയില്ല. ആ നീക്കം മുതൽ അങ്ങോട്ട് ആയിരുന്നു കേരള ബ്ലാസ്റ്റേഴ്സിന്റെ തുടർ ആക്രമണങ്ങൾ വന്നത്.

മറ്റൊരു സബ്ബായ ബ്രൈസിന്റെ ക്രോസിൽ നിന്ന് സന്ദീപ് ഗോൾ കണ്ടെത്തിയതോടെ ബ്ലാസ്റ്റേഴ്സ് ഇന്ന് ലീഡ് എടുത്തു. ലീഡ് എടുത്ത ശേഷം ഒഡീഷക്ക് ഒരു അവസരം പോലും കിട്ടിയില്ല എന്ന് പറയാം. നിഹാലിന്റെ നിരന്തരമായ അറ്റാക്കിംഗ് റണ്ണുകൾ ഒഡീഷക്ക് വലതു വിങ്ങിൽ തലവേദനയായി. നിഹാലിന്റെ ജിയാന്നുവിനായുള്ള ഒരു അളന്നു മുറിച്ചുള്ള പാസ് കേരളത്തിന് രണ്ടാം ഗോൾ നൽകിയേനെ. എന്നാൽ റഫറി ആ നീക്കം ഓഫ്സൈഡാണെന്ന് തെറ്റായി വിധിക്കുകയാണ് ഉണ്ടായത്.

ഇതിനു ശേഷം രണ്ട് സൂപ്പർ റണ്ണുകളും ഷോട്ടുകളും നിഹാലിൽ നിന്ന് കാണാൻ ആയി. ആദ്യ ഇടം കാലൻ ഷോട്ട് ചെറിയ വ്യത്യാസത്തിനാണ് പുറത്തേക്ക് പോയത്. അതിനു ശേഷം വന്ന ഷോട്ട് അമ്രീന്ദർ സേവ് ചെയ്തത് താരത്തിന്റെ ആദ്യ സീനിയർ ഗോൾ ദൂരെയാക്കി. ഗോൾ വന്നില്ല എങ്കിലും ഇന്നത്തെ നിഹാലിന്റെ കാമിയോ ബ്ലാസ്റ്റേഴ്സ് ആരാധകർക്ക് നൽകുന്ന പ്രതീക്ഷ ഏറെയാണ്. ബ്ലാസ്റ്റേഴ്സിന്റെ അക്കാദമിയിലൂടെ വളർന്നു വന്ന താരമാണ് നിഹാൽ.

ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സ് എഫ് സിയും ഒഡീഷ എഫ് സിയും തമ്മിലുള്ള മത്സരത്തിന്റെ രണ്ടാം പകുതിയിൽ യുവ മലയാളി താരം നിഹാൽ സുധീഷ് തന്റെ ഐ എസ് എൽ അരങ്ങേറ്റം നടത്തിയിരുന്നു. അന്ന് ബിദ്യാസാഗർ ബെഞ്ചിൽ ഉണ്ടായിരുന്നിട്ടും എന്തായിരുന്നു നിഹാലിനെ ഇറക്കാനുള്ള കാരണം എന്ന ചോദ്യത്തിന് പരിശീലകൻ ഇവാൻ വുകമാനോവിച് മറുപടി നൽകി.

സഹൽ അബ്ദുൽ സമദിന്റെ പകരക്കാരനായി ഇടതു വശത്ത് ഒരാൾ വേണ്ടതു കൊണ്ടാണ് നിഹാലിനെ ഇറക്കിയത് എ‌നുൻ ബിദ്യാസാഗറിനെ അറ്റാകിന്റെ സെൻട്രൽ ഭാഗത്ത് കളിപ്പിക്കാൻ ആണ് താല്പര്യപ്പെടുന്നത് എന്നും കോച്ച് പറഞ്ഞു. ഇതു മാത്രമല്ല നിഹാലിനെ ഇതുപോലൊരു സാഹചര്യത്തിൽ ഇറക്കിയാൽ താരത്തിന്റെ പ്രതികരണം എന്തായിരിക്കും എന്ന് തനിക്ക് അറിയണമായിരുന്നു എന്നും ഇവാൻ പറഞ്ഞു.

ഭാവിയിൽ ഈ ക്ലബിന് ഏറെ സംഭാന നൽകാൻ പോകുന്ന താരങ്ങളാണ് നിഹാലും ബിദ്യാസാഗറും എന്നും കോച്ച് പറഞ്ഞു.