Tag: Mumbai City

2024-25 സീസണിൻ്റെ അവസാനം വരെ ഒരു വർഷത്തെ കരാറിൽ ഡിഫൻഡർ ഹാർദിക് ഭട്ടിനെ മുംബൈ സിറ്റി എഫ്‌സി സ്വന്തമാക്കി. മുമ്പ് 2022-23 സീസണിൻ്റെ രണ്ടാം പകുതിയിൽ ലോൺ അടിസ്ഥാനത്തിൽ 27കാരൻ മുംബൈ സിറ്റിക്ക് ആയി കളിച്ചിട്ടുണ്ട്.

മുംബൈയിൽ ജനിച്ചു വളർന്ന ഹാർദിക് ഫുൾ ബാക്ക് ആണ്. 2019-ൽ അഹമ്മദാബാദിലെ ARA FC-യിൽ അദ്ദേഹം തൻ്റെ പ്രൊഫഷണൽ കരിയർ ആരംഭിച്ചു. അതിനുശേഷം, 2023 ജനുവരിയിൽ മുംബൈ സിറ്റി എഫ്‌സിയിൽ ചേരുന്നതിന് മുമ്പ് അദ്ദേഹം ബെംഗളൂരു യുണൈറ്റഡ്, ഹൈദര്യ സ്‌പോർട്‌സ്, രാജസ്ഥാൻ യുണൈറ്റഡ് എന്നിവയ്‌ക്കായി കളിച്ചിട്ടുണ്ട്.

2022-23 കാലയളവിൽ ഹാർദിക് മുംബൈക്ക് ആയി നാല് മത്സരങ്ങൾ കളിച്ചു. ഇന്ത്യൻ സൂപ്പർ ലീഗിലും സൂപ്പർ കപ്പിലും ക്ലബ്ബിനെ പ്രതിനിധീകരിച്ചു. 2023ൽ ഐഎസ്എൽ ലീഗ് വിന്നേഴ്‌സ് ഷീൽഡ് നേടിയ ടീമിലും അദ്ദേഹം അംഗമായിരുന്നു.

2022-23 സീസണിൻ്റെ അവസാനത്തിനുശേഷം, അദ്ദേഹം രാജസ്ഥാൻ യുണൈറ്റഡിലേക്ക് മടങ്ങി, അവിടെ കഴിഞ്ഞ 2023-24 സീസണിൽ ഐ-ലീഗിൽ 14 മത്സരങ്ങൾ കളിച്ചു, രണ്ട് അസിസ്റ്റുകൾ നൽകുകയും ചെയ്തു ‌ മൊത്തത്തിൽ, ഇന്ത്യയിൽ ആഭ്യന്തര ടൂർണമെൻ്റുകളിലായി 47 മത്സരങ്ങൾ ഹാർദിക് കളിച്ചിട്ടുണ്ട്, 2 ഗോളുകളും 2 അസിസ്റ്റുകളും രേഖപ്പെടുത്തി.

മുംബൈ സിറ്റി എഫ്‌സി സൗജന്യ ട്രാൻസ്ഫറിൽ ഡാനിയൽ ലാൽലിംപുയയെ സൈൻ ചെയ്തു. 2024-25 സീസണിൻ്റെ അവസാനം വരെ ഒരു വർഷത്തെ കരാറിലാണ് സ്‌ട്രൈക്കർ മുംബൈയിൽ ചേരുന്നത്.

മിസോറാമിൽ നിന്നുള്ള 26-കാരൻ എഐഎഫ്എഫ് എലൈറ്റ് അക്കാദമിയിലൂടെയും ചണ്ഡീഗഡ് ഫുട്ബോൾ അക്കാദമിയിലൂടെയും ആണ് തൻ്റെ ഫുട്ബോൾ ജീവിതം ആരംഭിച്ചത്. നിരവധി യൂത്ത് തലങ്ങളിൽ അദ്ദേഹം ദേശീയ ടീമിനെ പ്രതിനിധീകരിച്ചു, അണ്ടർ -19 ടീമിൻ്റെ ക്യാപ്റ്റനായിരുന്നു. 2016 ൽ സീനിയർ ദേശീയ ടീമിൽ അരങ്ങേറ്റം കുറിച്ചു.

ക്ലബ് തലത്തിൽ, ബെംഗളൂരു എഫ്‌സി അദ്ദേഹത്തിന് ഐ-ലീഗിലെ പ്രൊഫഷണൽ അരങ്ങേറ്റം നൽകി. ചെന്നൈയിൻ എഫ്‌സി, ഡെൽഹി ഡൈനാമോസ്, ഒഡീഷ എഫ്‌സി, പഞ്ചാബ് എഫ്‌സി എന്നിവയ്‌ക്കായും കളിച്ചു. മൊത്തം 130-ലധികം മത്സരങ്ങൾ ദേശീയ ലീഗിൽ കളിച്ചിട്ടുണ്ട്.

ഡാനിയേലിൻ്റെ കളിരീതിയും സവിശേഷതകളും ദ്വീപുവാസികളുടെ തത്ത്വചിന്തയോടും മൂല്യങ്ങളോടും യോജിക്കുന്നു. അദ്ദേഹത്തിൻ്റെ കൂടിച്ചേരൽ ടീമിൻ്റെ ആക്രമണത്തെ കൂടുതൽ ശക്തിപ്പെടുത്തും

മുൻ ആഴ്സണൽ താരം ജോൺ ടൊറാൽ മുംബൈ സിറ്റിയിൽ. മുംബൈ സിറ്റി താരത്തെ സൈൻ ചെയ്തതായി ഇന്ന് പ്രഖ്യാപിച്ചു. ജോൺ ടൊറാലും മുംബൈ സിറ്റിയും തമ്മിൽ 2025-26 സീസൺ അവസാനം വരെയുള്ള കരാർ ആണ് ഒപ്പുവെച്ചത്. 29കാരനായ താരം അവസാനമായി ഗ്രീക്ക് ക്ലബ്ബായ OFIയിലാണ് കളിച്ചത്.

ബാഴ്സലോണയുടെയും ആർസണലിന്റെയും യൂത്ത് ടീമിലൂടെ വളർന്നുവന്ന താരം ബാഴ്സലോണ അക്കാദമിയിൽ 2003 മുതൽ 2011 വരെ ഉണ്ടായിരുന്നു. പിന്നീട് 2011ൽ യൂത്ത് ടീമിലേക്ക് എത്തിയ ടൊറാൽ അവിടെ ആറു വർഷങ്ങളോളം താരം ചെലവഴിച്ചു. ആഴ്സണലിന് ആയി സീനിയർ അരങ്ങേറ്റം നടത്തിയില്ല എങ്കിലും ആഴ്സണൽ ഒരുകാലത്ത് പ്രതീക്ഷയോടെ കണ്ട താരമായിരുന്നു.

പിന്നീട് ഇംഗ്ലീഷ് ക്ലബ്ബുകൾ ആയ ബ്രെന്റ്ഫോർഡ്, ബെർമിങ്ഹാം സിറ്റി, ഹൾ സിറ്റി എന്നിവർക്കായി കളിച്ചു. സ്പാനിഷ് ക്ലബ്ബായ ഗ്രാനഡക്ക് വേണ്ടിയും സ്കോട്ട് ക്ലബ് ആയ റൈഞ്ചേഴ്സിന് വേണ്ടിയും താരം കളിച്ചിട്ടുണ്ട്. 2017ൽ മാത്രമാണ് താരം ആഴ്സണൽ വിട്ടത്. അറ്റാക്കിങ് മിഡ്ഫീൽഡർ ആയ താരം മുംബൈ സിറ്റിയുടെ കിരീടം പ്രതീക്ഷകൾക്ക് വലിയ കരുത്താകും എന്ന ക്ലബ് പ്രതീക്ഷിക്കുന്നു

ജയേഷ് റാണെ മുംബൈ സിറ്റി എഫ് സിയിൽ സ്ഥിര കരാർ ഒപ്പുവെച്ചു. 2024-25 സീസൺ അവസാനം വരെയുള്ള കരാറിൽ താരം ഒപ്പുവെച്ചതായി ക്ലബ് അറിയിച്ചു. കഴിഞ്ഞ സീസണിൽ ബെംഗളൂരു എഫ് സിയിൽ നിന്ന് ലോണിൽ ആയിരുന്നു ജയേഷ് മുംബൈയിൽ കളിച്ചിരുന്നത്..

ഈ കഴിഞ്ഞ സീസണിൽ 20 മത്സരങ്ങൾ മുംബൈ സിറ്റിക്ക് ആയി കളിച്ച ജയേഷ് 4 അസിസ്റ്റുകൾ സംഭാവന ചെയ്തിരുന്നു. മുംബൈയിൽ എത്തും മുമ്പ് 2 വർഷത്തോളം ജയേഷ് ബെംഗളൂരു എഫ് സി താരമായിരുന്നു. അതിനു മുമ്പ് മോഹൻ ബഗാനായും ഐസോളിലും താരം കളിച്ചു.

ഇതുവരെ ഐ എസ് എല്ലിൽ 123 മത്സരങ്ങൾ കളിച്ചിട്ടുണ്ട്. 5 ഗോളുകളും 12 അസിസ്റ്റും മധ്യനിര താരം സംഭാവന ചെയ്തു. ചെന്നൈയിൻ എഫ് സിക്കായും മുമ്പ് ഐ എസ് എല്ലിൽ ജയേഷ് കളിച്ചിട്ടുണ്ട്.

ഇന്ത്യൻ സൂപ്പർ ലീഗ് (ഐഎസ്എൽ) കിരീടം നേടിയതിനു പിന്നാലെ മുംബൈ സിറ്റി അവരുടെ പരിശീലകൻ പീറ്റർ ക്രാറ്റ്‌കിയുടെ കരാർ നീട്ടി. ഒരു വർഷം നീളുന്ന പുതിയ കരാറുൽ ക്രാറ്റ്കി ഒപ്പുവെച്ചതായി ക്ലബ് അറിയിച്ചു. ചെക്ക് റിപ്പബ്ലിക്കിൽ നിന്നുള്ള, 42 കാരൻ 2023 ഡിസംബറിൽ, സീസണിൻ്റെ മധ്യത്തിൽ, ആയിരുന്നു മുംബൈയുടെ പരിശീലകനായി എത്തിയത്.

അദ്ദേഹം 23 മത്സരങ്ങളിൽ ടീമിനെ പരിശീലിപ്പിച്ചു. ഒരു ഐ എസ് എൽ കിരീടവും നേടിക്കൊടുത്തു. 16 വിജയവും മൂന്ന് സമനിലയും 4 തോൽവിയുമാണ് അദ്ദേഹത്തിന് ഈ സീസണിൽ ഉള്ളത്. ക്രാറ്റ്‌കിയുടെ കീഴിൽ, ഐഎസ്എല്ലിൻ്റെ ലീഗ് ഘട്ടത്തിൽ (47 പോയിൻ്റ്) തങ്ങളുടെ എക്കാലത്തെയും ഉയർന്ന പോയിൻ്റുകൾ രേഖപ്പെടുത്താൻ മുംബൈക്ക് ആയിരുന്നു.

ക്രാറ്റ്കി ഏറ്റെടുത്തതിനുശേഷം, ഐഎസ്എല്ലിൽ മുംബൈ നേടിയ ഗോളുകളിൽ 62%-ലധികവും ഇന്ത്യക്കാരാണ് സ്‌കോർ ചെയ്തത്.