കേരള ബ്ലാസ്റ്റേഴ്സ് എഫ് സിയുടെ മുൻ സ്ട്രൈക്കർ ദിമിത്രിസ് ദയമന്റകോസിനെ സ്വന്തമാക്കാനായി മുംബൈ സിറ്റിയും രംഗത്ത്. ദിമിയും മുംബൈയുമായുള്ള ചർച്ചകൾ മുന്നോട്ടു പോവുകയാണെന്നും താരം മുംബൈയിലേക്ക് എത്താൻ സാധ്യതയുണ്ടെന്നും IFTWC റിപ്പോർട്ട് ചെയ്യുന്നു. മലേഷ്യയിൽ നിന്നും ദിമിക്ക് വലിയ ഓഫർ ഉണ്ട്.
ഈസ്റ്റ് ബംഗാൾ, മോഹൻ ബഗാൻ, ബെംഗളൂരു എന്ന് തുടങ്ങി ദിമിക്കായി ഒരു വൻ ട്രാൻസ്ഫർ യുദ്ധം തന്നെയാണ് നടക്കുന്നത്. ദിമി ഇതുവരെ ആരുമായും കരാർ ഒപ്പുവെച്ചിട്ടില്ല. പക്ഷെ താരം കേരള ബ്ലാസ്റ്റേഴ്സ് വിടും എന്ന് പ്രഖ്യാപിച്ചിരുന്നു.
ഈ കഴിഞ്ഞ സീസൺ ഐ എസ് എല്ലിൽ 13 ഗോളുകൾ അടിച്ച് ദിമി ബ്ലാസ്റ്റേഴ്സിന്റെയും ലീഗിലെയും ടോപ് സ്കോറർ ആയിരുന്നു.