Tag: Modric

റയൽ മാഡ്രിഡ് ടോണി ക്രൂസിന്റെ കരാർ പുതുക്കിയതിനു പിന്നാലെ മോഡ്രിചിന്റെ കരാർ പുതുക്കാനുള്ള ചർച്ചകൾ ആരംഭിച്ചു. റയലും താരവും പോസിറ്റീവ് ആണെന്നും താമസിയാതെ കരാർ പുതുക്കും എന്നും ഫബ്രിസിയോ റൊമാനോ റിപ്പോർട്ട് ചെയ്യുന്നു. മോഡ്രിച് തനിക്ക് റയൽ മാഡ്രിഡിൽ കരാർ പുതുക്കാൻ മാത്രമെ ആഗ്രഹം ഉള്ളൂ എന്ന് നേരത്തെ തന്നെ വ്യക്തമാക്കിയിരുന്നു. അൽ നസറിൽ നിന്ന് വലിയ ഓഫർ മോഡ്രിചിനായി വന്നു എങ്കിലും അത് താരം പരിഗണിക്കുക പോലും ചെയ്തിരുന്നില്ല.

ക്ലബിൽ ഒരു വർഷത്തെ പുതിയ കരാർ ആകും മോഡ്രിച് ഒപ്പുവെക്കുക. 37കാരനായ താരത്തിന്റെ റയലിലെ കരാർ ഈ ജൂണോടെ അവസാനിക്കേണ്ടതാണ്‌. 2012 മുതൽ റയൽ മാഡ്രിഡിനൊപ്പം ഉള്ള താരമാണ് മോഡ്രിച്. റയലിനൊപ്പം 22 കിരീടങ്ങളും മോഡ്രിച് നേടിയിട്ടുണ്ട്‌. റയൽ മാഡ്രിഡിൽ തന്നെ വിരമിക്കാൻ ആണ് മോഡ്രിച്ഛ് ആഗ്രഹിക്കുന്നത്. അതുകൊണ്ട് ആയിരുന്നു താരം റയലിൽ തന്നെ തുടരണം എന്ന് ആവർത്തിച്ചു കൊണ്ടിരുന്നു.

നേരത്തെ ക്രൂസും റയൽ മാഡ്രിഡിൽ കരാർ പുതുക്കുന്നില്ല എങ്കിൽ വിരമിക്കാം എന്ന നിലപാടിൽ ആയിരുന്നു.

റയൽ മാഡ്രിഡ് മിഡ്ഫീൽഡർ ലൂക്കാ മോഡ്രിച്ച് താൻ മാനേജ്മെന്റുമായി കരാർ നീട്ടുന്നതിനെ കുറിച്ച് ഇതുവരെ സംസാരിച്ചിട്ടില്ല എന്നു പറഞ്ഞു. റയൽ മാഡ്രിഡുമായുള്ള മോഡ്രിച്ചിന്റെ കരാർ ഈ വർഷം ജൂണിൽ അവസാനിക്കാൻ ഇരിക്കുകയാണ്. ക്ലബിലെ അദ്ദേഹത്തിന്റെ ഭാവി ഇപ്പോഴും അനിശ്ചിതത്വത്തിലാണ്.

“ഞാൻ ഇതുവരെ ക്ലബ്ബുമായി സംസാരിച്ചിട്ടില്ല,” മോഡ്രിച്ച് പറഞ്ഞു. “തീർച്ചയായും എനിക്ക് ഇവിടെ തുടരാൻ ആഗ്രഹമുണ്ട്, പക്ഷേ ഞാൻ അത് അർഹിക്കുന്നതുകൊണ്ട് മാത്രം ആയിരിക്കണം. അല്ലാതെ ഞാൻ മോഡ്രിച്ച് ആയതുകൊണ്ടാവരുത്.” അദ്ദേഹം പറഞ്ഞു.

2012ൽ റയൽ മാഡ്രിഡ് ക്ലബിൽ ചേർന്നതു മുതൽ റയൽ മാഡ്രിഡിന്റെ റ്റീമിന്റെ അവിഭാജ്യ ഘടകമാണ് മോഡ്രിച്ച്, അഞ്ചു ചാമ്പ്യൻസ് ലീഗ് കിരീടങ്ങൾ ഉൾപ്പെടെ നിരവധി ട്രോഫികൾ നേടാൻ അദ്ദേഹം അവരെ സഹായിച്ചു. “എന്റെ ഭാവി എന്ത് ആയാലും, റയൽ മാഡ്രിഡിനോടുള്ള എന്റെ സ്നേഹം ഒരിക്കലും മാറില്ല,” മോഡ്രിച്ച് പറഞ്ഞു. “ഇത് എന്റെ ജീവിതത്തിന്റെ ഭാഗമായ ക്ലബ്ബാണ്.” 37കാരനായ താരം പറഞ്ഞു.

റയൽ മാഡ്രിഡിൽ തന്നെ വിരമിക്കണം എന്ന മോഡ്രിചിന്റെ ആഗ്രഹം ഫലം കണ്ടേക്കും. ക്രൊയേഷ്യൻ മധ്യനിര താരം ലൂക മോഡ്രിചിന് പുതിയ കരാർ നൽകാൻ റയൽ മാഡ്രിഡ് തീരുമാനിച്ചതായാണ് പുതിയ വാർത്തകൾ. മോഡ്രിചിന് ഒരു വർഷത്തേക്കുള്ള കരാർ ആകും റയൽ നൽകുക‌. ഇത് സംബന്ധിച്ച് താരവും ക്ലബുമായി ധാരണയിൽ എത്തിയതായാണ് സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നുത്.

36കാരനായ താരത്തിന്റെ റയലിലെ കരാർ അടുത്ത ജൂണോടെ അവസാനിക്കേണ്ടതാണ്‌. 2012 മുതൽ റയൽ മാഡ്രിഡിനൊപ്പം ഉള്ള താരമാണ് മോഡ്രിച്. ഇതുവരെ ഇരുനൂറിലധികം മത്സരങ്ങൾ മോഡ്രിച് റയലിനായി കളിച്ചിട്ടുണ്ട്. റയലിനൊപ്പം 17 കിരീടങ്ങളും മോഡ്രിച് നേടിയിട്ടുണ്ട്‌. ഈ കരാറിന് അവസാനം മോഡ്രിച് ഫുട്ബോളിൽ നിന്ന് തന്നെ വിരമിക്കാൻ സാധ്യതയുണ്ട്. മോഡ്രിച് റയലിൽ തുടരാൻ വേണ്ടി വേതനം കുറക്കാൻ തയ്യാറായി എന്നാണ് വാർത്തകൾ.