Tag: UEFA Nations League

മ്യൂണിക്കിലെ അലയൻസ് അരീനയിൽ നടന്ന നാടകീയമായ യുവേഫ നേഷൻസ് ലീഗ് 2025 ഫൈനലിൽ, നിശ്ചിത സമയത്തും അധിക സമയത്തും 2-2 സമനിലയിൽ പിരിഞ്ഞതിന് ശേഷം പെനാൽറ്റി ഷൂട്ടൗട്ടിൽ 5-3 ന് സ്പെയിനെ തോൽപ്പിച്ച് പോർച്ചുഗൽ ജേതാക്കളായി.

21-ാം മിനിറ്റിൽ മാർട്ടിൻ സുബിമെൻഡിയുടെ ഗോളിൽ സ്പെയിൻ ആദ്യം മുന്നിലെത്തി. എന്നാൽ അഞ്ച് മിനിറ്റിന് ശേഷം പെഡ്രോ നെറ്റോയുടെ അസിസ്റ്റിൽ നൂനോ മെൻഡസിന്റെ തകർപ്പൻ ഗോളിൽ പോർച്ചുഗൽ സമനില പിടിച്ചു. ആദ്യ പകുതി അവസാനിക്കുന്നതിന് തൊട്ടുമുമ്പ് പെഡ്രിയുടെ അസിസ്റ്റിൽ മികെൽ ഓയർസാബൽ സ്പെയിനിന് വീണ്ടും ലീഡ് നേടിക്കൊടുത്തു.
രണ്ടാം പകുതിയിൽ ക്രിസ്റ്റ്യാനോ റൊണാൾഡോയുടെ ഗോളിൽ 61-ാം മിനിറ്റിൽ പോർച്ചുഗൽ വീണ്ടും സമനില പിടിച്ചു.

ഇതോടെ മത്സരം ആവേശകരമായി. ഇരു ടീമുകൾക്കും കളി സ്വന്തമാക്കാൻ അവസരങ്ങൾ ലഭിച്ചെങ്കിലും അധിക സമയത്തും സമനിലയിൽ തുടർന്നതോടെ മത്സരം പെനാൽറ്റി ഷൂട്ടൗട്ടിലേക്ക് നീങ്ങി.
ഷൂട്ടൗട്ടിൽ പോർച്ചുഗൽ തങ്ങളുടെ ആത്മവിശ്വാസം നിലനിർത്തി. ഗോൺസാലോ റാമോസ്, വിറ്റിഞ്ഞ, ബ്രൂണോ ഫെർണാണ്ടസ്, നൂനോ മെൻഡസ്, റൂബൻ നെവെസ് എന്നിവരെല്ലാം തങ്ങളുടെ കിക്കുകൾ ലക്ഷ്യത്തിലെത്തിച്ചു. അൽവാരോ മൊറാറ്റയുടെ കിക്ക് പാഴായത് സ്പെയിന് തിരിച്ചടിയായി, അതേസമയം ഇസ്കോ, മെറിനോ, ബയേന എന്നിവർക്ക് ഗോൾ നേടാൻ കഴിഞ്ഞു.

നിശ്ചിത സമയത്തിന്റെ അവസാനത്തിൽ പരിക്ക് കരണം കളിക്കളം വിട്ട ക്രിസ്റ്റ്യാനോ റൊണാൾഡോ, പോർച്ചുഗലിന്റെ രണ്ടാം നേഷൻസ് ലീഗ് കിരീടത്തിലേക്കുള്ള യാത്രയിൽ പ്രധാന പങ്ക് വഹിച്ചു. 2019 ന് ശേഷമുള്ള അവരുടെ ആദ്യ കിരീടമാണിത്.

മ്യൂണിക്കിൽ നടന്ന യുവേഫ നേഷൻസ് ലീഗ് സെമി ഫൈനലിൽ ജർമ്മനിയെ 2-1 ന് തോൽപ്പിച്ച് പോർച്ചുഗൽ ഫൈനലിൽ പ്രവേശിച്ചു. ക്രിസ്റ്റ്യാനോ റൊണാൾഡോ വിജയഗോളിലൂടെ ഒരിക്കൽക്കൂടി പോർച്ചുഗലിന് രക്ഷകനായി. 40 വയസ്സുകാരനായ റൊണാൾഡോയുടെ 68-ാം മിനിറ്റിലെ ഗോൾ അദ്ദേഹത്തിന്റെ 137-ാമത് അന്താരാഷ്ട്ര ഗോളായിരുന്നു. ജർമ്മനിക്കെതിരെ തുടർച്ചയായി അഞ്ച് തോൽവികൾ എന്ന തന്റെ ഏറ്റവും വലിയ തോൽവി പരമ്പരയ്ക്ക് ഇതോടെ റൊണാൾഡോ അന്ത്യം കുറിച്ചു.

മത്സരത്തിന്റെ രണ്ടാം പകുതിയിൽ ഫ്ലോറിയൻ വിർട്സിലൂടെ ജർമ്മനി ലീഡ് നേടി. നായകൻ ജോഷ്വാ കിമ്മിച്ചുമായി നടത്തിയ മികച്ച മുന്നേറ്റത്തിനൊടുവിൽ വിർട്സ് പന്ത് വലയിലെത്തിക്കുകയായിരുന്നു. എന്നാൽ, പോർച്ചുഗൽ ശക്തമായി തിരിച്ചുവന്നു.

ഫ്രാൻസിസ്കോ കൺസെയ്‌സാവോയുടെ മികച്ച ഒറ്റയാൾ കുതിപ്പാണ് പോർച്ചുഗലിന് സമനില ഗോൾ സമ്മാനിച്ചത്. 35 മീറ്ററിലധികം ദൂരം സ്പ്രിന്റ് ചെയ്താണ് കൺസെയ്‌സാവോ ഈ മനോഹരമായ ഗോൾ നേടിയത്.

നേരത്തെ രണ്ട് മികച്ച അവസരങ്ങൾ റൊണാൾഡോ നഷ്ടപ്പെടുത്തിയിരുന്നു. എന്നാൽ, നുനോ മെൻഡിസ് നൽകിയ ലോ ക്രോസ് റൊണാൾഡോയ്ക്ക് പിഴച്ചില്ല. വളരെ അനായാസം പന്ത് വലയിലെത്തിച്ച് അദ്ദേഹം പോർച്ചുഗലിന് ലീഡ് സമ്മാനിച്ചു.

2019-ലെ പ്രഥമ നേഷൻസ് ലീഗ് ചാമ്പ്യൻമാരായ പോർച്ചുഗൽ, ഞായറാഴ്ച നടക്കുന്ന ഫൈനലിൽ സ്പെയിൻ അല്ലെങ്കിൽ ഫ്രാൻസിനെ നേരിടും.

എക്സ്ട്രാ ടൈം വരെ നീണ്ട്ക്ക് മത്സരത്തിൽ ഡെൻമാർക്കിനെതിരെ 5-2ന്റെ ആവേശകരമായ വിജയത്തിന് ശേഷം പോർച്ചുഗൽ നേഷൻസ് ലീഗ് സെമിഫൈനലിൽ സ്ഥാനം ഉറപ്പിച്ചു, 5-3 എന്ന അഗ്രഗേറ്റ് വിജയമാണ് അവർ ഉറപ്പിച്ചത്. ഫ്രാൻസിസ്കോ ട്രിൻസാവോ രണ്ട് ഗോളുകൾ നേടി, തുടക്കത്തിൽ ലഭിച്ച പെനാൽറ്റി നഷ്ടപ്പെടുത്തിയെങ്കിലും ക്രിസ്റ്റ്യാനോ റൊണാൾഡോയും വല കണ്ടെത്തി.

ആദ്യ പാദത്തിൽ 1-0 ന് മുന്നിലായിരുന്നു ഡെൻമാർക്ക്, ഇന്ന് ബോക്സിൽ പാട്രിക് ഡോർഗു റൊണാൾഡോയെ ഫൗൾ ചെയ്തതോടെ തുടക്കത്തിൽ തന്നെ പോർച്ചുഗലിന് പെനാൽറ്റി ലഭിച്ചു. എന്നിരുന്നാലും, കാസ്പർ ഷ്മൈച്ചൽ റൊണാൾഡോയുടെ പെനാൽറ്റി രക്ഷപ്പെടുത്തി.

38-ാം മിനിറ്റിൽ ജോക്കിം ആൻഡേഴ്സന്റെ സെൽഫ് ഗോളിലൂടെ പോർച്ചുഗൽ ലീഡ് നേടി, പക്ഷേ 56-ാം മിനിറ്റിൽ റാസ്മസ് ക്രിസ്റ്റെൻസണിലൂടെ ഡെൻമാർക്ക് തിരിച്ചടിച്ചു.

റൊണാൾഡോ 72ആം മിനുറ്റിൽ പോർച്ചുഗലിന്റെ ലീഡ് പുനഃസ്ഥാപിച്ചു, 76-ാം മിനിറ്റിൽ ക്രിസ്റ്റ്യൻ എറിക്സണിലൂടെ ഡെൻമാർക്കിന് വീണ്ടും ഗോൾ നേടി‌ സ്കോർ 2-2 എന്നാക്കി. അഗ്രിഗേറ്റിൽ ഡെന്മാർക്ക് അപ്പോൾ മുന്നിലായിരുന്നു. 86-ാം മിനിറ്റിൽ ട്രിൻസാവോയുടെ ഗോൾ അഗ്രിഗേറ്റ് സ്കോർ 3-3 എന്നാക്കി. കളി തുടർന്ന് എക്സ്ട്രാ ടൈമിലേക്ക്.

91-ാം മിനിറ്റിൽ വീണ്ടും ഗോൾ നേടി ട്രിങ്കാവോ പോർച്ചുഗലിന് നിയന്ത്രണം നൽകി. പകരക്കാരനായി ഇറങ്ങിയ ഗൊൺസാലോ റാമോസ് പോർച്ചുഗലിന്റെ അഞ്ചാം ഗോൾ നേടി വിജയം ഉറപ്പിച്ചു.

ജർമ്മനിക്കെതിരായാലും പോർച്ചുഗലിന്റെ സെമിഫൈനൽ പോരാട്ടം. ജർമ്മനി ഇറ്റലിയെ അഗ്രഗേറ്റിൽ 5-4 ന് പരാജയപ്പെടുത്തി.

നേഷൻസ് ലീഗ് ക്വാർട്ടർ ഫൈനൽ ആദ്യ പാദത്തിൽ പകരക്കാരനായ റാസ്മസ് ഹൊയ്ലുണ്ടിന്റെ വൈകിയ ഗോളിൽ ഡെന്മാർക്ക് പോർച്ചുഗലിനെതിരെ 1-0 ന് നിർണായക വിജയം ഉറപ്പിച്ചു. 69-ാം മിനിറ്റിൽ മത്സരത്തിനിറങ്ങിയ മാഞ്ചസ്റ്റർ യുണൈറ്റഡ് സ്‌ട്രൈക്കർ 78-ാം മിനിറ്റിൽ ആൻഡ്രിയാസ് സ്‌കോവ് ഓൾസൻ്റെ ഗോളിൽ സ്‌കോർ ചെയ്തു.

ക്രിസ്റ്റ്യാനോ റൊണാൾഡോ 90 മിനിറ്റും കളിച്ചെങ്കിലും ഡെന്മാർക്കിൻ്റെ അച്ചടക്കമുള്ള പ്രതിരോധം തകർക്കാൻ കിണഞ്ഞു പരിശ്രമിച്ച പോർച്ചുഗലിന് ആയില്ല. രണ്ടാം പാദം ഇനിയും വരാനിരിക്കെ, പോർച്ചുഗലിന് സ്വന്തം തട്ടകത്തിൽ മികച്ച പ്രകടനം തന്നെ വേണ്ടിവരും. ഇന്ന് ഗോൾ നേടിയ ഹൊയ്ലുണ്ട് റൊണാൾഡോയുടെ SIU സെലിബ്രേഷൻ നടത്തിയാണ് ഗോൾ ആഘോഷിച്ചത്.