MI Emirates News in Malayalam

എലിമിനേറ്ററിൽ എംഐ എമിറേറ്റ്സിന് വിജയം

ഐഎൽടി20യിൽ എലിമിനേറ്ററിൽ വിജയം നേടി എംഐ എമിറേറ്റ്സ്. ദുബായ് ക്യാപിറ്റൽസിനെതിരെ 8 വിക്കറ്റ് വിജയം ആണ് എംഐ എമിറേറ്റ്സിന് സ്വന്തമാക്കാനായത്. ആദ്യം ബാറ്റ് ചെയ്ത ദുബായ് ക്യാപിറ്റൽസ് 151/5 എന്ന സ്കോറാണ് നേടിയത്.

ജോ‍ർജ്ജ് മുന്‍സി(51), സിക്കന്ദര്‍ റാസ(38), റോവ്മന്‍ പവൽ(30) എന്നിവരാണ് ദുബായ് ക്യാപിറ്റൽസിന് വേണ്ടി തിളങ്ങിയത്. എംഐ എമിറേറ്റ്സിന് വേണ്ടി ട്രെന്റ് ബോള്‍ട്ടും റഷീദ് ഖാനും 2 വിക്കറ്റ് ആണ് നേടിയത്.

മറുപടി ബാറ്റിംഗിനിറങ്ങിയ എംഐ എമിറേറ്റ്സിന് വേണ്ടി ആന്‍ഡ്രേ ഫ്ലെച്ചര്‍ 45 പന്തിൽ 68 റൺസും നിക്കോളസ് പൂരന്‍ 36 പന്തിൽ 66 റൺസും നേടിയാണ് എംഐയുടെ അനായാസ വിജയം നേടിക്കൊടുത്തത്.

16.4 ഓവറിൽ ആണ് എംഐ എമിറേറ്റ്സിന്റെ വിജയം.

ഷെയ്ൻ ബോണ്ട് MI എമിറ്റ്സിന്റെ പരിശീലകൻ, പാർഥിവും വിനയ് കുമാറും പരിശീലക സംഘത്തിൽ

മുൻ ന്യൂസിലൻഡ് ഫാസ്റ്റ് ബൗളർ ഷെയ്ൻ ബോണ്ട് എം ഐ എമിറേറ്റ്‌സിന്റെ മുഖ്യ പരിശീലകൻ ആകും. നിലവിൽ മുംബൈ ഇന്ത്യൻസിന്റെ ബൗളിംഗ് കോച്ചാണ് ഷെയ്ൻ ബോണ്ട്. 2015 മുതൽ മുംബൈക്ക് ഒപ്പം ഉണ്ട്. അവർക്കൊപ്പം നാല് കിരീടങ്ങൾ നേടിയിട്ടുണ്ട്.

യു എ ഇയിൽ നടന്ന ഇന്റർനാഷണൽ ലീഗ് ടി20 അടുത്ത വർഷം ആദ്യം ആകും നടക്കുക. അതിനായി ഒരുങ്ങുകയാണ് എം ഐ എമിറേറ്റ്സ്. മുൻ ഇന്ത്യൻ താരമായ പാർഥിവ് പട്ടേലിനെ ബാറ്റിംഗ് പരിശീലകനായും വിനയ് കുമാറിനെ ബൗളിംഗ് പരിശീലകനായും എംഐ എമിറേറ്റ്സ് ടീമിലേക്ക് എത്തിച്ചിട്ടുണ്ട്. ജെയിംസ് ഫ്രാങ്ക്ലിൻ ആണ് ഫീൽഡിംഗ് പരിശീലകൻ.

പാർഥിവ് പട്ടേലും വിനയ് കുമാറും മുംബൈ ഇന്ത്യൻസിന്റെ സ്കൗട്ടിങ് ടീമിലെ അംഗമായിരുന്നു‌ .

കേന്ദ്ര കരാര്‍ വേണ്ടെന്ന് വെച്ച ബോള്‍ട്ട് എംഐ എമിറേറ്റ്സിലേക്ക്

മുംബൈ ഇന്ത്യന്‍സിന്റെ ദുബായ് ഫ്രാഞ്ചൈസിയായ എംഐ എമിറേറ്റ്സിലേക്ക് എത്തി ട്രെന്റ് ബോള്‍ട്ട്. അടുത്തിടെ കുടുംബത്തോടൊപ്പം ചെലവഴിക്കാനായി കേന്ദ്ര കരാര്‍ വേണ്ടെന്ന് താരം ന്യൂസിലാണ്ടിനെ അറിയിച്ചിരുന്നു. ബോള്‍ട്ട് ഐപിഎലില്‍ മുമ്പ് മുംബൈ ഇന്ത്യന്‍സിന് വേണ്ടി കളിച്ചിട്ടുണ്ട്.

കീറൺ പൊള്ളാര്‍ഡ്, ഡ്വെയിന്‍ ബ്രാവോ, നിക്കോളസ് പൂരന്‍ തുടങ്ങി 14 താരങ്ങളെ ആണ് എംഐ എമിറേറ്റ്സ് സ്വന്തമാക്കിയിട്ടുള്ളത്. യുഎഇ ടി20 ലീഗിൽ 12 അന്താരാഷ്ട്ര താരങ്ങളെയും 2 അസോസ്സിയേറ്റ് രാജ്യങ്ങളിൽ നിന്നുള്ള താരങ്ങളെയും നാല് യുഎഇ താരങ്ങളെയും ആണ് ഓരോ ഫ്രാഞ്ചൈസിയും ടീമിലെത്തിക്കേണ്ടത്.

എംഐ എമിറേറ്റ്സ് സൈന്‍ ചെയ്ത 14 താരങ്ങള്‍ : Kieron Pollard (West Indies), Dwayne Bravo (West Indies), Nicholas Pooran (West Indies), Trent Boult (New Zealand), Andre Fletcher (West Indies), Imran Tahir (South Africa), Samit Patel (England), Will Smeed (England), Jordan Thompson (England), Najibullah Zadran (Afghanistan), Zahir Khan (Afghanistan), Fazalhaq Farooqui (Afghanistan), Bradley Wheal (Scotland) and Bas De Leede (Netherlands).

Story Highlights: Trent Boult joins MI Emirates in the UAE T20 League.

എംഐ എമിറേറ്റ്സിനായി കളിക്കുവാന്‍ പൊള്ളാര്‍ഡ് എത്തുന്നു, ഡ്വെയിന്‍ ബ്രാവോയും നിക്കോളസ് പൂരനും ടീമിൽ

മുംബൈ ഇന്ത്യന്‍സ് ഉടമകളായ റിലയന്‍സ് ഇന്‍ഡസ്ട്രീസിന്റെ യുഎഇ ഐഎൽടി20 ഫ്രാഞ്ചൈസിയിലേക്ക് മൂന്ന് വിന്‍ഡീസ് താരങ്ങള്‍. മുംബൈ ഇന്ത്യന്‍സിൽ കളിക്കുന്ന കീറൺ പൊള്ളാര്‍ഡ്, ഡ്വെയിന്‍ ബ്രാവോ, നിക്കോളസ് പൂരന്‍ എന്നിവരെയാണ് ഫ്രാഞ്ചൈസി സ്വന്തമാക്കിയിരിക്കുന്നത്.

കഴിഞ്ഞ ദിവസമാണ് തങ്ങളുടെ ഫ്രാഞ്ചൈസിയ്ക്ക് എംഐ എമിറേറ്റ്സ് എന്നാണ് പേര് എന്ന് റിലയന്‍സ് ഇന്‍ഡസ്ട്രീസ് പ്രഖ്യാപിച്ചത്.

Story Highlights: MI Emirates signs Kieron Pollard, Nicholas Pooran, Dwayne Bravo

എംഐ എമിറേറ്റ്സ്, എംഐ കേപ്ടൗൺ, റിലയന്‍സിന്റെ പുതിയ ടി20 ടീമുകളുടെ പേരുകളായി

റിലയന്‍സ് ഇന്‍ഡസ്ട്രീസിന്റെ യുഎഇ ഇന്റര്‍നാഷണൽ ലീഗ് ടി20യിലെയും ദക്ഷിണാഫ്രിക്ക ടി20 ലീഗിലെയും ടീമുകളുടെ പേരുകള്‍ പ്രഖ്യാപിച്ചു. ഐപിഎലില്‍ മുംബൈ ഇന്ത്യന്‍സ് ഉടമകള്‍ കൂടിയായ റിലയന്‍സ് പുതിയ രണ്ട് ഫ്രാഞ്ചൈസികളുടെ പേരിലും മുംബൈ ഇന്ത്യന്‍സിന്റെ ചുരുക്കപ്പേരായ എംഐ കൂടി ചേര്‍ത്തിട്ടുണ്ട്.

എംഐ എമിറേറ്റ്സ്, എംഐ കേപ്ടൗൺ എന്നിങ്ങനെയാണ് യുഎഇ, ദക്ഷിണാഫ്രിക്ക ലീഗിലെ ടീമിന്റെ പേര്. എന്നാൽ എംഐ എന്നത് എന്റെ എന്ന അര്‍ത്ഥം വരുന്ന മൈ എന്ന ഇംഗ്ലീഷ് വാക്കിനെ സൂചിപ്പിക്കുന്നു എന്നാണ് വിശദീകരണം.

Story Highlights: Reliance Industries announce MI Emirates, MI Cape Town as the names of the new teams in the UAE International League T20 and Cricket South Africa T20 League