Tag: Matthew Mott

വനിതകളുടെ ടെസ്റ്റ് മത്സരങ്ങള്‍ അഞ്ച് ദിവസമാക്കണമെന്ന് പറ‍ഞ്ഞ് ഓസ്ട്രേലിയന്‍ കോച്ച് മാത്യൂ മോട്ട്സ്. ഓസ്ട്രേലിയയും ഇന്ത്യയും തമ്മിലുള്ള ഏക ടെസ്റ്റ് മത്സരം സമനിലയിൽ അവസാനിച്ചതിന് ശേഷമാണ് ഓസ്ട്രേലിയന്‍ മുഖ്യ കോച്ചിന്റെ പ്രതികരണം. ഇന്ത്യയ്ക്കെതിരെയുള്ള മത്സരം പ്രതികൂല സാഹചര്യങ്ങള്‍ കാരണം ത്രിദിന മത്സരങ്ങള്‍ പോലെയാണ് കളിച്ചതെന്നും ഇതിന് മുമ്പും ഏതാനും ടെസ്റ്റ് മത്സരങ്ങളിൽ സമാനമായ സാഹചര്യങ്ങളുണ്ടായിട്ടുണ്ടെന്നും അതിനാൽ തന്നെ വനിത ക്രിക്കറ്റിൽ അഞ്ച് ദിവസത്തെ ടെസ്റ്റ് മത്സരങ്ങള്‍ ആവശ്യമാണെന്ന് ഓസ്ട്രേലിയന്‍ മുഖ്യ കോച്ച് വ്യക്തമാക്കി.

മികച്ചൊരു ടെസ്റ്റ് മത്സരമായിരുന്നു ഇന്ത്യയും ഓസ്ട്രേലിയയും തമ്മിലുള്ളതെന്നും ഒരു ദിവസം കൂടി മത്സരം നടന്നിരുന്നുവെങ്കിൽ മികച്ചൊരു ഫലം ക്രിക്കറ്റ് ലോകത്തിന് ലഭിയ്ക്കുമായിരുന്നുവെന്നും മാത്യു മോട്ട്സ് സൂചിപ്പിച്ചു.

ഓസ്ട്രേലിയന്‍ വനിത ടീമിന്റെ കോച്ചായ മാത്യൂ മോട്ടിന്റെ കരാര്‍ രണ്ട് വര്‍ഷത്തേക്ക് കൂടി നീട്ടി. മോട്ട് 2023 സെപ്റ്റംബര്‍ വരെ ടീമിന്റെ കോച്ചായി തുടരും. ഈ കാലയളവിൽ ഓസ്ട്രേലിയ ആഷസ്, ടി20 ലോകകപ്പ്, കോമൺവെല്‍ത്ത് ഗെയിംസ് എന്നീ ടൂര്‍ണ്ണമെന്റുകള്‍ കളിക്കാനിരിക്കുകയാണ്.

ഇത് കൂടാതെ ബെന്‍ സോയറെ ടീമിന്റെ മുഴുവന്‍ സമയ കോച്ചായും നിയമിച്ചിട്ടുണ്ട്.

വനിത ക്രിക്കറ്റില്‍ ഇന്ത്യ സൂപ്പര്‍ ശക്തികളാകുമെന്ന് അഭിപ്രായപ്പെട്ട് ഓസ്ട്രേലിയന്‍ വനിത മുഖ്യ കോച്ച് മാത്യൂ മോട്ട്. വരും കാലങ്ങളില്‍ ലോകം കീഴടക്കുവാന്‍ പോകുന്ന ടീമാണ് ഇന്ത്യ എന്ന് പറഞ്ഞ് മോട്ട് ഇന്ത്യയുടെ ടോപ് ഓര്‍ഡറില്‍ ലോകോത്തര താരങ്ങളാണുള്ളതെന്ന് പറഞ്ഞു. 2017 ലോകകപ്പിന്റെ ഫൈനലിലേക്ക് എത്തിയ ഇന്ത്യ അവിടെ നിന്ന് ബാറ്റിംഗില്‍ കൂടുതല്‍ ശക്തരാവുന്നതാണ് കാണുന്നതെന്നും മോട്ട് പറഞ്ഞു.

സ്മൃതി മന്ഥാനയും ഹര്‍മ്മന്‍പ്രീത് കൗറും അടങ്ങിയ യുവനിരയ്ക്കൊപ്പം മിത്താലി രാജിന്റെ അനുഭവസമ്പത്തും ഇന്ത്യയ്ക്ക് ഏറെ ഗുണം ചെയ്യുന്നതാണെന്നും മാത്യൂ മോട്ട് അഭിപ്രായപ്പെട്ട്. ലോക വനിത ക്രിക്കറ്റിലെ ഉറങ്ങുന്ന വമ്പന്മാരാണ് ഇവരെന്നും മോട്ട് പറഞ്ഞു. മൂന്നോ നാലോ ലോകോത്തര താരങ്ങള്‍ ബാറ്റിംഗിന്റെ ആഴം ബൗളിംഗിലെ സാധ്യതകള്‍ എല്ലാം ഇന്ത്യയെ ലോക ക്രിക്കറ്റിലെ വരും കാല ശക്തിയാക്കി മാറ്റുമെന്നും മോട്ട് പറഞ്ഞു.

2017 ലോകകപ്പ് സെമിയില്‍ ഇന്ത്യ ഓസ്ട്രേലിയയെ പുറത്താക്കിയാണ് ഫൈനലിലേക്ക് എത്തിയത്. സെമി ഫൈനലില്‍ 115 പന്തില്‍ നിന്ന് 171 റണ്‍സ് നേടിയ ഹര്‍മ്മന്‍പ്രീത് കൗറിന്റെ ഇന്നിംഗ്സാണ് ഓസ്ട്രേലിയയെ നിഷ്പ്രഭമാക്കിയത്.