Premier League

അഭ്യൂഹങ്ങൾക്ക് അവസാനം, സ്റ്റെർലിങ് പുതിയ കരാർ ഒപ്പിട്ടു

1 min read

മാഞ്ചസ്റ്റർ സിറ്റിയുടെ ഇംഗ്ലീഷ് താരം റഹീം സ്റ്റെർലിങ് ക്ലബ്ബ്മായി പുതിയ 5 വർഷത്തെ കരാർ ഒപ്പിട്ടു. പുതിയ കരാർ പ്രകാരം താരം 2023 വരെ ക്ലബ്ബിൽ തുടരും. മുൻപ് കരാർ ഒപ്പിടാൻ വിസമ്മതിച്ച താരത്തിനായി റയൽ മാഡ്രിഡ് വല വിരിക്കുന്നു എന്ന അഭ്യൂഹങ്ങൾക്ക് ഇടയിലാണ് താരം കരാർ ഒപ്പിട്ടത്.

23 വയസുകാരനായ താരത്തിന്റെ പഴയ കരാർ അടുത്ത സീസണിലെ അവസാനത്തോടെ തീരാൻ ഇരിക്കെയാണ് പുതിയ കരാറിൽ ഒപ്പിടുന്നത്. ഈ കരാർ പ്രകാരം പ്രീമിയർ ലീഗിൽ തന്നെ ഏറ്റവും കൂടുതൽ ശമ്പളം പറ്റുന്ന കളിക്കാരിൽ ഒരാളായി സ്റ്റെർലിങ് മാറും. 2015 ൽ 49 മില്യൺ പൗണ്ടോളം നൽകി ലിവർപൂളിൽ നിന്നാണ് സിറ്റി സ്റ്റർലിങ്ങിനെ ഇത്തിഹാദ് സ്റ്റേഡിയത്തിൽ എത്തിച്ചത്.