ആഴ്സണൽ ഫോമിലേക്ക് തിരികെയെത്തി എന്ന് അർട്ടേറ്റ

ഇന്നലെ ചെൽസിക്ക് എതിരെ വിജയിച്ചതോടെ ആഴ്സണൽ ഫോമിലേക്ക് തിരികെയെത്തി എന്ന വാദവുമായി പരിശീലകൻ അർട്ടേറ്റ‌. അവസാന നാലു മത്സരങ്ങൾ വിജയിക്കാൻ ആവാത്തതിനാൽ ആഴ്സണലിന് ലീഗിലെ ഒന്നാം സ്ഥാനം നഷ്ടമായിരുന്നു. ഇന്നലത്തെ ജയത്തോടെ ആഴ്സണൽ തിരികെ ഒന്നാം സ്ഥാനത്ത് എത്തി.

“മത്സരത്തോടെ വളരെ വ്യത്യസ്തമായ ഒരു സമീപനം വേണമെന്ന് ഞങ്ങൾ ആഗ്രഹിച്ചു,. ടീം മികച്ച ഫോമിലേക്ക് തിരിച്ചെത്തി. കളിയുടെ നിയന്ത്രണം ഞങ്ങൾക്ക് ആയിരുന്നു, ഈ വിജയം പൂർണ്ണമായി അർഹിച്ചിരുന്നു” മത്സരത്തിന് ശേഷം അർട്ടേറ്റ പറഞ്ഞു.

“കഴിഞ്ഞ കുറച്ച് ദിവസങ്ങളിൽ ഇല്ലാത്ത ഊർജ്ജം ഞങ്ങളുടെ ടീമിൽ ഇന്ന് കാണാൻ കഴിഞ്ഞു. ഞങ്ങൾക്ക് കുറച്ച് ബുദ്ധിമുട്ടുള്ള ആഴ്ചകൾ ആയിരുന്നു കടന്നു പോയത്. ഇന്ന് ഞങ്ങൾ ലീഗിന്റെ ഒന്നാം സ്ഥാനത്തേക്ക് തിരിച്ചെത്തിയിരിക്കുന്നു – എന്താണ് ഇനി സംഭവിക്കുന്നതെന്ന് നമുക്ക് നോക്കാം” അദ്ദേഹം കൂട്ടിച്ചേർത്തു.