ബോലത് ടുര്‍ലിഖാനോവ് കപ്പിലെ 62 കിലോ വിഭാഗത്തിൽ സ്വര്‍ണ്ണ മെഡൽ നേട്ടവുമായി ഇന്ത്യയുടെ സാക്ഷി മാലിക്. കസാഖിസ്ഥാന്റെ ഗുസ്തി താരത്തെ ഫൈനലില്‍ പിന്‍ ചെയ്താണ് സാക്ഷിയുടെ വിജയം. ഇന്ത്യയുടെ മൂന്നാമത്തെ മെഡലാണ് ടൂര്‍ണ്ണമെന്റിൽ നിന്ന് വന്നത്.
57 കിലോ വിഭാഗത്തിൽ ഇന്ത്യയുടെ മാന്‍സി കസാഖിസ്ഥാന്‍ താരത്തെ 3-0 എന്ന സ്കോറിന് പരാജയപ്പെടുത്തി സ്വര്‍ണ്ണം നേടിയിരുന്നു. പുരുഷ വിഭാഗത്തിൽ (63 കിലോ) വെങ്കലം നേടിയ നീരജ് ആണ് ഇന്ത്യയുടെ മെഡൽ നേട്ടത്തിന് തുടക്കം കുറിച്ചത്.
