സെമി ഫൈനലില്‍ തോല്‍വിയേറ്റ് വാങ്ങി രവികുമാറും ബജ്റംഗ് പൂനിയയും

- Advertisement -

സെമിയില്‍ കടന്നത് വഴി തങ്ങളുടെ ടോക്കിയോ ഒളിമ്പിക്സ് ക്വാട്ട സ്വന്തമാക്കിയെങ്കിലും സെമിയില്‍ പരാജയമേറ്റു വാങ്ങി ഇന്ത്യന്‍ താരങ്ങളായ ബജ്റംഗ് പൂനിയയും രവികമാറും. 65 കിലോ വിഭാഗത്തില്‍ ബജ്റംഗ് പൂനിയ സെമിയില്‍ ആവേശപ്പോരാട്ടത്തിലാണ് കീഴടങ്ങിയത്. 2-9ന് പിന്നിലായ താരം 9-9 ന് ഒപ്പമെത്തിയെങ്കിലും അവസാന നിമിഷം മത്സരം കൈവിട്ടു. നാളെ വെങ്കല മെഡല്‍ മത്സരത്തില്‍ താരം മത്സരിക്കും.

57 കിലോ വിഭാഗം സെമിയില്‍ നിലവിലെ ലോക ചാമ്പ്യനായ ഉഗേവിനോടാണ് രവികുമാര്‍ പോരാടി വീണത്. 4-6 എന്ന സ്കോറിനായിരുന്നു രവികുമാറിന്റെ തോല്‍വി. നാളെ രവികുമാറിനും വെങ്കല മത്സരമുണ്ട്.

Advertisement