ഒളിമ്പിക്‌സിൽ ടേബിൾ ടെന്നീസിൽ ഇന്ത്യയുടെ ശരത് കമൽ മണിക ബാത്ര സഖ്യം ആദ്യ റൗണ്ടിൽ പുറത്ത്. ലോക ഒന്നാം നമ്പർ ടീം ആയ ചൈനീസ് തായ്പേയുടെ ലിൻ യു ജു, ചെങ് ലി ചിങ് സഖ്യത്തോട് നേരിട്ടുള്ള 4 ഗെയിമുകൾക്ക് ആണ് ഇന്ത്യൻ സഖ്യം തോൽവി വഴങ്ങിയത്. ആദ്യ ഗെയിമിൽ 5-1 നു ആദ്യം മുന്നിലെത്തിയ ഇന്ത്യൻ ടീമിനെ തിരിച്ചു വന്നു 11-8 നു വീഴ്ത്തിയ ചൈനീസ് തായ്പേ സഖ്യം മത്സരത്തിൽ മുൻതൂക്കം നേടി.
രണ്ടാം ഗെയിം 11-6 നു നേടിയ ലോക ഒന്നാം നമ്പർ ടീം മൂന്നാം സെറ്റിൽ തുടക്കത്തിൽ ചെറുതായി പതറിയെങ്കിലും 11-5 നു ഗെയിം സ്വന്തമാക്കി മത്സരത്തിൽ സമ്പൂർണ ആധിപത്യം നേടി. തുടർന്ന് നാലാം ഗെയിമിൽ പെട്ടെന്ന് തന്നെ കളി തീർത്ത ഒന്നാം നമ്പർ ടീം ഗെയിം 11-4 നു നേടി മത്സരം 27 മിനിറ്റിനുള്ളിൽ തീരുമാനമാക്കി.
