സംസ്ഥാന സീനിയർ റഗ്ബി ടൂർണമെന്റിന് നാളെ തുടക്കമാവും. കൊടുവള്ളി ക്രെസന്റ് കൊട്ടക്കാവയൽ സ്റ്റേഡിയത്തിൽ വെച്ചാണ് മത്സരങ്ങൾ നടക്കുക. രണ്ടു ദിവസം നീണ്ടു നിൽക്കുന്ന ചാംപ്യൻഷിപ് ചക്കാലക്കൽ ഹൈസ്കൂളിന്റെയും ക്രെസന്റ് ക്ലബ്ബിന്റെയും സംയുക്ത ആഭിമുഖ്യത്തിലാണ് സംഘടിപ്പിക്കുന്നത്.
റഗ്ബി അസോസിയേഷന് കേരള സ്പോർട്സ് കൗൺസിലിൽ അംഗീകാരം ലഭിച്ചതിന് ശേഷം നടക്കുന്ന ആദ്യ സീനിയർ ചാംപ്യൻഷിപ് ആണിത്. കേരളത്തിലെ 14 ജില്ലകളിൽ നിന്നുള്ള പുരുഷ വനിതാ ടീമുകൾ ടൂർണമെന്റിൽ പങ്കെടുക്കുന്നുണ്ട്. ചാമ്പ്യൻഷിപ്പിന്റെ ഉദ്ഘടനം സ്പോർട്സ് കൗൺസിൽ പ്രസിഡന്റ് ടി.പി ദാസൻ നിർവഹിക്കും.
