ഖേലോ ഇന്ത്യ യുത്ത് ഗെയിംസ് 2022 കേരളത്തിന് റോവിംഗിൽ 3 സ്വർണ്ണവും ഒരു വെങ്കലവും. പെൺകുട്ടികളുടെ ക്വാഡ്രപ്പിൾ സ്കളിൽ അമല പ്രസാദ് , ആൻസ് മരിയ മാത്യു , അശ്വനി കുമാരൻ , ആവണി എ എം എന്നിവർ സ്വർണം സ്വന്തമാക്കി. പെൺകുട്ടികളുടെ കോക്സ്ലെസ് ഫോറിലും കേരളം സ്വർണം നേടി.ആർച്ച എ , വിജിനമോൾ ബി, അശ്വതി പി ബി, അലീന ആന്റോ എന്നിവരായിരുന്നു ടീം അംഗങ്ങൾ.
പുരുഷന്മാരുടെ കോക്സ്ലെസ് ഫോറിലും കേരളം തന്നെ ഒന്നാമതെത്തി. ആദിനാഥ് ടി ജെ , സച്ചു സുരേഷ്, സൂരജ് എസ് ,അദ്വൈദ് ജെ പി നമ്പ്യാർ എന്നിവർക്കാണ് സ്വർണ്ണം കിട്ടിയത്. വനിതകളുടെ ഡബിൾ സ്കളിൽ കേരളം വെങ്കലവും നേടി. അമല പ്രസാദിനും ആവണി എ.എമ്മിനുമാണ് വെങ്കലം കിട്ടിയത്.
