പ്രോ കബഡി ലീഗിൽ തകർപ്പൻ ജയവുമായി ബംഗാൾ വാറിയേഴ്സ്. പൂനേരി പൾടാനെ നിലമ്പരിശാക്കുകയായിരുന്നു ബംഗാൾ. 43-23 എന്ന സ്കോറിന്റെ വമ്പൻ ജയമാണ് ബംഗാൾ വാറിയേഴ്സ് നേടിയത്. മനിന്ദർ സിങിന്റെ വെടിക്കെട്ട് പ്രകടനം ബംഗാളിന് തുണയായി.
14 റെയിഡ് പോയന്റുകളാണ് അദ്ദേഹം നേടിയത്. 8 റെയിഡ് പോയന്റുകളുമായി മൊഹമ്മദ് നബിബക്ഷ് മനീന്ദറിന് മികച്ച പിന്തുണ നൽകി. ആദ്യ പകുതി അവസാനിച്ചത് തന്നെ 18-9 ന്റെ ലീഡ് ബംഗാൾ നേടിയെടുത്താണ്. ബംഗാൾ വാറിയേഴ്സിന്റെ സർവ്വാധിപത്യം മത്സരത്തിൽ പ്രകടമായിരുന്നു.
