ഹരിയാനയില്‍ പ്രൊ കബഡി ലീഗ് സീസണ്‍ ലെഗ് ആരംഭിക്കുമ്പോള്‍ തങ്ങളുടെ ആദ്യ മത്സരത്തില്‍ തന്നെ ജയം സ്വന്തമാക്കി പിങ്ക് പാന്തേഴ്സ്. ടീം ഇന്ന് നടന്ന മത്സരത്തില്‍ പുനേരി പള്‍ട്ടനെയാണ് കീഴടക്കിയത്. 36-23 എന്ന സ്കോറിനു 13 പോയിന്റ് മാര്‍ജിനിലാണ് ടീമിന്റെ വിജയം. ഇടവേള സമയത്ത് 21-9നു ജയ്പൂര്‍ മുന്നിലായിരുന്നു. 8 വീതം പോയിന്റ് നേടി സുനില്‍ സിദ്ധഗാവ്‍ലിയും ദീപക് ഹൂഡയുമാണ് ജയ്പൂരിന്റെ പ്രധാന സ്കോറര്‍മാര്‍. അമിത് കുമാര്‍ 5 പോയിന്റ് നേടി. പൂനെ നിരയില്‍ മോറെ 5 പോയിന്റും സന്ദീപ് 4 പോയിന്റും നേടി.
റെയിഡിംഗില്‍ 14 വീതം പോയിന്റുമായി ഇരു ടീമുകളും ഒപ്പം നില്‍ക്കുകയായിരുന്നു. അതേ സമയം 17-9 എന്ന വലിയ ലീഡാണ് ജയ്പൂര്‍ പ്രതിരോധ മേഖലയില്‍ നേടിയത്. 4 ഓള്‍ഔട്ട് പോയിന്റും ഒരു അധിക പോയിന്റും നേടി ജയ്പൂര്‍ മത്സരത്തില്‍ ആധിപത്യം ഉറപ്പിച്ചു.
