പ്രോ കബഡി ലീഗിൽ ഗുജറാത്ത് ഫോർച്യൂൺ ജയന്റ്സിനെ മലർത്തിയടിച്ച് തമിൽ തലൈവാസ്. 34-28 ന്റെ തകർപ്പൻ ജയമാണ് തലൈവാസ് നേടിയത്. 9 റെയിഡ് പോയന്റുമായുള്ള അജയ് താക്കൂറിന്റെ വമ്പൻ തിരിച്ച് വരവാണ് തമിൽ തലൈവാസിന് തുണയായത്.
5 ടാക്കിൾ പോയന്റുമായി മോഹിത് ഛില്ലറും 4 പോയന്റുമായി മൻജീത്ത് ഛില്ലറും മികച്ച പ്രകടനം കാഴ്ച്ച വെച്ചു. രോഹിത് ഗുലിയയും (9 റെയ്ഡ് പോയന്റ്സ്) സുനിൽ കുമാറും (6 ടാക്കിൾ പോയന്റ്സ്) പൊരുതിയെങ്കിലും ഗുജറാത്തിനെ വീഴ്ത്തി തലൈവാസ് ജയം പിടിച്ചെടുക്കുകയായിരുന്നു.
