ജോൺ സീന WWE-യിൽ നിന്ന് വിരമിക്കൽ പ്രഖ്യാപിച്ചു. 16 തവണ ലോക ചാമ്പ്യനായ ജോൺ സീന ഇന്നലെ ടൊറെന്റോയിൽ നടന്ന ലൈവ് ഇവൻ്റിനിടെ ആണ് എല്ലാവരെയും ഞെട്ടിച്ചു കൊണ്ട് വിരമിക്കൽ പ്രഖ്യാപനം നടത്തിയത്.
റെസിൽമാനിയ 41 തൻ്റെ അവസാന മത്സരമായിരിക്കും എന്ന് സീന പറഞ്ഞു. 2025 ഡിസംബർ വരെ റെസ്ലിങിൽ തുടരുനെന്നും അദ്ദേഹം പറഞ്ഞു. “ഇന്ന് രാത്രി, ഞാൻ WWE-യിൽ നിന്ന് വിരമിക്കൽ പ്രഖ്യാപിക്കുന്നു,” സീന പറഞ്ഞു
നെറ്റ്ഫ്ലിക്സിലെ WWE RAW അരങ്ങേറ്റം, റോയൽ റംബിൾ 2025, എലിമിനേഷൻ ചേംബർ 2025, റെസിൽമാനിയ 41 എന്നിവയിൽ സീന ഉണ്ടാകുമെന്നാണ് പ്രതീക്ഷിക്കുന്നത്.
2002-ൽ അരങ്ങേറ്റം കുറിച്ചത് മുതൽ WWE-യുടെ മുഖമായിരുന്നു ജോൺ സീന. അദ്ദേഹം മൊത്തം 13 തവണ WWE കിരീടം നേടിയിട്ടുണ്ട്, ലോക ഹെവിവെയ്റ്റ് ചാമ്പ്യൻഷിപ്പ് 3 തവണയും റോയൽ റംബിൾ 2 തവണയും നേടി. തൻ്റെ ഹോളിവുഡ് പ്രതിബദ്ധതകൾ കണക്കിലെടുത്ത് കഴിഞ്ഞ കുറച്ച് വർഷങ്ങളായി ഡബ്ല്യുഡബ്ല്യുഇയിൽ സീന അത്ര സജീവമല്ല.
