മേജർ ലീഗ് സോക്കർ ക്ലബ് ഇന്റർ മയാമിയിൽ എത്തും എന്നു ലയണൽ മെസ്സി പ്രഖ്യാപിച്ചതിനു പിന്നാലെ മെസ്സിയെ അമേരിക്കയിലേക്ക് സ്വാഗതം ചെയ്തു ആരാധകർ. ഇന്നലെ നടന്ന എൻ.ബി.എ ഫൈനൽസിലും മെസ്സിക്ക് സ്വാഗതം നേർന്നു നിരവധി ആരാധകർ ആണ് എത്തിയത്.
മെസ്സിയുടെ ജേഴ്സിയും ഫോട്ടോയും ആയി എത്തിയ ആരാധകരെ കാണാൻ ആയപ്പോൾ തങ്ങളുടെ നഗരത്തിലേക്ക് മെസ്സിക്ക് സ്വാഗതം എന്നു മയാമി ഹീറ്റ്‌സ് സ്‌കോർ ബോർഡിൽ എഴുതി കാണിക്കുകയും ചെയ്തു. ഡെൻവർ നഗറ്റ്സ്, മയാമി ഹീറ്റ്‌സ് എന്നിവർ തമ്മിലുള്ള മൂന്നാം ഫൈനൽസ് മത്സരത്തിൽ ആണ് മെസ്സിക്ക് സ്വാഗതം നേർന്നു ആരാധകരും ടീമും എത്തിയത്. മത്സരം കാണാൻ ബ്രസീലിയൻ സൂപ്പർ താരം നെയ്മർ ജൂനിയറും ഉണ്ടായിരുന്നു.
