ഇന്ത്യയുടെ അഭിമാനമായി ഒരിക്കൽ കൂടെ സാത്വിക് – ചിരാഗ് സഖ്യം. ചൈന മാസ്റ്റർ 750 ടൂർണമെന്റിന്റെ ഫൈനലിലേക്ക് അവർ കുതിച്ചു. ചൈനയുടെ ഹി ജി ടിംഗിനെയും റെൻ സിയാങ് യുയെയും നേരിട്ടുള്ള ഗെയിമുകൾക്ക് പരാജയപ്പെടുത്തി ആണ് ഇന്ത്യൻ സഖ്യം ഫൈനലിൽ പ്രവേശിച്ചത്. 21-15,22-20 എന്ന സ്കോറിനായിരുന്നു വിജയം. മത്സരം 50 മിനുട്ട് നീണ്ടു നിന്നു.
ആദ്യ ഗെയിമിൽ 21-15ന് അനായാസം ജയിക്കാൻ ആയെങ്കിൽ രണ്ടാം ഗെയിമിൽ ചൈനീസ് സഖ്യം പൊരുതി നിന്നു. എങ്കിലും അവസാന സാത്വിക് – ചിരാഗ് സഖ്യം തന്നെ വിജയിച്ചു. ലോക ഒന്നാം നമ്പർ ആയ ഇന്ത്യ ജോഡിയുടെ ഈ വർഷത്തെ ആറാമത്തെ ഫൈനൽ പ്രവേശനം ആകും ഇത്. നവംബർ 26 ഞായറാഴ്ച്ച ആകും ഫൈനൽ നടക്കുക.
