ഇന്ത്യയുടെ ബാഡ്മിന്റൺ താരം പി വി സിന്ധു ഫിൻലൻഡിൽ നടക്കുന്ന ആർട്ടിക് ഓപ്പൺ സൂപ്പർ 500 ന്റെ സെമി ഫൈനലിലെത്തി. ലോക 13-ാം നമ്പർ താരം വിയറ്റ്‌നാമിന്റെ തുയ് ലിൻ ഗുയെനെ ആണ് സിന്ധു തോൽപ്പിച്ചത്. 20-22, 22-20, 21-18 എന്ന സ്‌കോറിന് ആണ് സിന്ധു വിയറ്റ്നാമീസ് താരത്തെ തോൽപ്പിച്ചത്. ചൈനയുടെ വാങ് സി യിയുമായാകും സിന്ധുവിന്റെ സെമി പോരാട്ടം.
2023 സീസണിൽ ഇന്ത്യൻ താരം മത്സരിക്കുന്ന നാലാമത്തെ സെമി ഫൈനലാകും ഇത്. എന്നാൽ സിന്ധു ഇതുവരെ ഈ സീസണിൽ ഫൈനലിൽ എത്തിയിട്ടില്ല. ഫൈനൽ ഉറപ്പിക്കാൻ ആകും സിന്ധുവിന്റെ ശനിയാഴ്ചത്തെ ശ്രമം. സിന്ധു മാത്രം ആണ് ആർടിക് ഓപ്പണിൽ അവശേഷിക്കുന്ന ഇന്ത്യൻ താരം. ബാക്കി എല്ലാവരും പ്രീക്വാർട്ടറിൽ തന്നെ പുറത്തായിരുന്നു.
