ഓര്‍ലീന്‍സ് മാസ്റ്റേഴ്സിന്റെ രണ്ടാം റൗണ്ടില്‍ ഇന്ത്യന്‍ താരങ്ങളുടെ പോരാട്ടം. ഇതില്‍ കിരണ് ജോര്‍ജ്ജും ശ്രീകാന്ത് കിഡംബിയും വിജയം കുറിയ്ക്കുകയായിരുന്നു. കിരണ് ജോര്‍ജ്ജ് പാരുപ്പള്ളി കശ്യപിനെ പുറത്താക്കിയപ്പോള്‍ അജയ് ജയറാമിനെതിരെയാണ് ശ്രീകാന്ത് കിഡംബിയുടെ വിജയം. ചിരാഗ് സെന്നിനും വിജയം ഒപ്പം കൂട്ടുവാന്‍ സാധിച്ചു.
മിക്സഡ് ഡബിള്‍സില്‍ പ്രണവ് ജെറി ചോപ്ര – സിക്കി റെഡ്ഡി കൂട്ടുകെട്ട് ഓസ്ട്രേിയന്‍ താരങ്ങളെ പരാജയപ്പെടുത്തിയപ്പോള്‍ ധ്രുവ് കപില – അശ്വിനി പൊന്നപ്പ ജോഡിയും വിജയം ഉറപ്പാക്കി.
വനിത സിംഗിള്‍സില്‍ ഇന്ത്യയുടെ ഇറ ശര്‍മ്മയ്ക്ക് വിജയം നേടാനായി. പുരുഷ വിഭാഗത്തില്‍ പാരുപ്പള്ളി കശ്യപും രാഹുല്‍ ഭരദ്വാജും പരാജയപ്പെട്ട് പുറത്താകുകയായിരുന്നു.
