ജപ്പാന്‍ ഓപ്പണ്‍ 2019ന്റെ ആദ്യ റൗണ്ടില്‍ ഇന്ത്യയ്ക്ക് സമ്മിശ്ര ഫലം. മിക്സഡ് ഡബിള്‍സില്‍ ഇന്ത്യന്‍ കൂട്ടുകെട്ട് വിജയം കുറിച്ചപ്പോള്‍ പുരുഷ ഡബിള്‍സില്‍ ഇന്ത്യയ്ക്ക് തോല്‍വിയായിരുന്നു ഫലം. ജര്‍മ്മന്‍ താരങ്ങള്‍ക്കെതിരെ നേരിട്ടുള്ള ഗെയിമില്‍ വിജയം കുറിച്ചാണ് ഇന്ത്യയുടെ അശ്വിനി പൊന്നപ്പ-സാത്വിക് സായിരാജ് കൂട്ടുകെട്ട് 21-14, 21-19 എന്ന സ്കോറിന് വിജയം കൈവരിച്ചത്. 33 മിനുട്ടാണ് മത്സരം നീണ്ട് നിന്നത്.
ഇന്ത്യയുടെ മനു അട്രി-സുമീത് റെഡ്ഢി കൂട്ടുകെട്ട് മലേഷ്യന്‍ താരങ്ങളോടെ നേരിട്ടുള്ള ഗെയിമില്‍ 12-21, 16-21 എന്ന സ്കോറിന് കീഴടങ്ങി ആദ്യ റൗണ്ടില്‍ തന്നെ പുറത്തായി. 27 മിനുട്ട് മാത്രമാണ് മത്സരം നടന്നത്.
