ഡെന്മാര്‍ക്ക് ഓപ്പണിന്റെ രണ്ടാം റൗണ്ടില്‍ പൊരുതി തോറ്റ് ഇന്ത്യയുടെ ലക്ഷ്യ സെന്‍. ഇന്ന് നടന്ന രണ്ടാം റൗണ്ട് പോരാട്ടത്തില്‍ ലോക റാങ്കിംഗില്‍ 37ാം നമ്പര്‍ താരം എച്ച്കെ വിട്ടിംഗസിനോടാണ് ലക്ഷ്യ കീഴടങ്ങിയത്. ആദ്യ ഗെയിം വിജയിച്ച ശേഷമാണ് ലക്ഷ്യ സെന്‍ മത്സരത്തില്‍ പിന്നില്‍ പോയത്.
21-15, 17-21, 17-21 എന്ന നിലയില്‍ 55 മിനുട്ട് നീണ്ട മത്സരത്തിന് ശേഷമാണ് ഇന്ത്യന്‍ യുവ താരം കീഴടങ്ങുന്നത്. ഇനി ടൂര്‍ണ്ണമെന്റില്‍ അവശേഷിക്കുന്ന ഏക ഇന്ത്യന്‍ സാന്നിദ്ധ്യം ശ്രീകാന്ത് കിഡംബിയാണ്.
