ഓള്‍ ഇംഗ്ലണ്ട് ബാഡ്മിന്റൺ ഫൈനലില്‍ കടന്ന ലക്ഷ്യ സെന്‍, സെമിയിൽ കീഴടക്കിയത് നിലവിലെ ചാമ്പ്യനെ

ഓള്‍ ഇംഗ്ലണ്ട് ബാഡ്മിന്റൺ പുരുഷ സിംഗിള്‍സ് ഫൈനലില്‍ സ്ഥാനമുറപ്പിച്ച് ഇന്ത്യയുടെ ലക്ഷ്യ സെന്‍. നിലവിലെ ചാമ്പ്യനും ലോക റാങ്കിംഗിൽ ഏഴാം സ്ഥാനവുമുള്ള മലേഷ്യയുടെ ലീ സീ ജിയയെ മൂന്ന് സെറ്റ് ത്രില്ലറിലാണ് ലക്ഷ്യ കീഴടക്കിയത്.

ആദ്യ ഗെയിം അനായാസം നേടിയ ലക്ഷ്യയ്ക്കെതിരെ ശക്തമായ തിരിച്ചുവരവാണ് ലീ നടത്തിയത്. മൂന്നാം ഗെയിമിൽ ഒപ്പത്തിനൊപ്പമുള്ള പോരാട്ടത്തിൽ ഇന്ത്യന്‍ താരം മുന്നേറി ഫൈനൽ സ്ഥാനം ഉറപ്പിച്ചു.

സ്കോര്‍: 21-13, 12-21, 21-19.