ഇന്ത്യ ഓപ്പണിൽ ഇന്ത്യൻ ജോഡികളായ സാത്വികും ചിരാഗും ഫൈനലിലേക്ക് മുന്നേറി. മുൻ ലോക ചാമ്പ്യൻമാരായ ആരോൺ/സോയെ സഖ്യത്തെ ആണ് സാത്വിക്/ചിരാഗ് സഖ്യം പരാജയപ്പെടുത്തിയത്. സെമി ഫൈനലിൽ 21-18,21-14 എന്ന സ്‌കോറിന് നേരിട്ടുള്ള ഗെയിമുകൾക്ക് ആണ് വിജയിച്ചത്. രണ്ടാം ഗെയിമിൽ ഇന്ത്യൻ സഖ്യം 8-11ന് പിന്നിലായിരുന്നുവെങ്കിലും പൊരുതി 21-14ന് വിജയിക്കാൻ അവർക്ക് ആയി.
ഈ വർഷത്തെ സാത്വിക് ചിരാഗ് സഖ്യത്തിന്റെ രണ്ടാം ഫൈനലാണ് ഇത്. നേരത്തെ മലേഷ്യൻ ഓപ്പണിൽ ഫൈനലിൽ അവർ പരാജയപ്പെട്ടിരുന്നു. ഈ വിജയത്തോടെ സാത്വിക്/ചിരാഗ് അടുത്ത ആഴ്ച ലോക റാങ്കിംഗിൽ ഒന്നാം സ്ഥാനത്തേക്ക് തിരിച്ചെത്തും.
