ഓള്‍ ഇംഗ്ലണ്ട് ഓപ്പണ്‍ 2020ല്‍ ഇന്ത്യന്‍ താരങ്ങളില്‍ രണ്ടാം റൗണ്ടിലേക്ക് എത്തിയത് പിവി സിന്ധുവും ലക്ഷ്യ സെന്നും മാത്രം. സിംഗിള്‍സില്‍ സൈന, ശ്രീകാന്ത് കിഡംബി, പാരുപ്പള്ളി കശ്യപ്, സായി പ്രണീത് എന്നിവര്‍ ആദ്യ റൗണ്ടില്‍ തന്നെ പുറത്തായി. വനിത ഡബിള്‍സ് ടീമിന് വിജയം കൊയ്യാനായിരുന്നു.
പിവി സിന്ധു 21-14, 21-17 എന്ന സ്കോറിന് അമേരിക്കയുടെ ബീവെന്‍ സാംഗിനെ പരാജയപ്പെടുത്തുകയായിരുന്നു. ലക്ഷ്യ സെന്‍ -ഹോങ്കോംഗിന്റെ ചീയുക്ക് യൂ ലീയെ, 17-21, 21-8, 21-17 എന്ന സ്കോറിന് പരാജയപ്പെടുത്തി. 59 മിനുട്ടാണ് മത്സരം നീണ്ട് നിന്നത്.
അകാനെ യമാഗൂച്ചിയോടാണ് സൈനയുടെ തോല്‍വി. സ്കോര്‍: 11-21, 8-21. പാരുപ്പള്ളി കശ്യപ തന്റെ മത്സരത്തില്‍ നിന്ന് പിന്മാറുകയായിരുന്നു. സായി പ്രണീതിന് 12-21, 13-21 എന്ന നിലയിലായിരുന്നു തോല്‍വി. ശ്രീകാന്ത് കിഡംബിയും ആദ്യ റൗണ്ട് കടന്നില്ല. 15-21, 16-21 എന്ന സ്കോറിനായിരുന്നു ശ്രീകാന്തിന്റെ പരാജയം.
വനിത ഡബിള്‍സില്‍ അശ്വിനി പൊന്നപ്പ-സിക്കി റെഡ്ഢി കൂട്ടുകെട്ടിന്റെ എതിരാളികള്‍ മത്സരത്തിനിടയില്‍ പിന്മാറിയതോടെ ടീമിന് രണ്ടാം റൗണ്ടിലേക്ക് അവസരം ലഭിച്ചു.
