ഏഷ്യന്‍ ചാമ്പ്യന്‍ഷിപ്പിന്റെ പുരുഷ വിഭാഗം 1500 മീറ്ററിലേക്ക് യോഗ്യത നേടി മലയാളി താരം ജിന്‍സണ്‍ ജോണ്സണ്. പട്യാലയില്‍ നടന്ന ഫെഡറേഷന്‍ കപ്പില്‍ ഒന്നാമതായി മത്സരം അവസാനിപ്പിച്ചാണ് യോഗ്യത ഉറപ്പാക്കുവാന്‍ ജോണ്സണ് സാധിച്ചത്. 3:41:67 സെക്കന്‍ഡില്‍ റേസ് പൂര്‍ത്തിയാക്കിയാണ് ജിന്‍സണ്‍ നേട്ടം സ്വന്തമാക്കിയത്.
3:46:00 ആയിരുന്നു യോഗ്യത നേടുന്നതിനുള്ള പരിധി. ഏഷ്യന്‍ ഗെയിംസില്‍ 1500 മീറ്ററില്‍ ഇന്ത്യയ്ക്കായി സ്വര്‍ണ്ണം നേടിയ താരമാണ് ജിന്‍സണ്‍ ജോണ്സണ്.
