ബഹ്റൈനിന്‍ താരത്തിന്റെ ഉത്തേജകമരുന്നുപയോഗം, ഇന്ത്യയ്ക്ക് ഏഷ്യന്‍ ഗെയിംസ് സ്വര്‍ണ്ണം

2018 ഏഷ്യന്‍ ഗെയിംസ് 4×400 മിക്സഡ് റിലേ മത്സരത്തില്‍ ഇന്ത്യന്‍ ടീമിന് വെള്ളി മെഡലാണ് നേടുവാന്‍ കഴിഞ്ഞത്. അന്ന് അനസ്, ഹിമ ദാസ്, അരോഗ്യ രാജീവ്, പൂവമ്മ എന്നിവരുടെ ടീം ബഹ്റൈനിന് പിന്നിലായി രണ്ടാം സ്ഥാനത്ത് എത്തുവാനെ സാധിച്ചുള്ളു. എന്നാല്‍ അന്നത്തെ സ്വര്‍ണ്ണ മെഡല്‍ ജേതാക്കളായ ബഹ്റൈന്‍ ടീമിലെ ഒരു താരത്തെ ഉത്തേജക മരുന്ന് ഉപയോഗിച്ചതായി കണ്ടെത്തിയതോടെ നാല് വര്‍ഷത്തെ വിലക്കും ബഹ്റൈന്റെ സ്വര്‍ണ്ണം തിരിച്ചെടുക്കുകയുമായിരുന്നു.

ഇതോടെ ഇന്ത്യയ്ക്ക് സ്വര്‍ണ്ണ മെഡലിന് അര്‍ഹതയായി. ഇന്ത്യ അന്ന് 3:15:17 സെക്കന്‍ഡിലാണ് റേസ് പൂര്‍ത്തിയാക്കിയത്.