ചൈനയിലെ ഹാങ്‌ഷൗവിൽ നടക്കുന്ന 2023ലെ ഏഷ്യൻ ഗെയിംസിൽ ഇന്ത്യയുടെ ഒളിമ്പിക്‌സ് മെഡൽ ജേതാവ് ലോവ്ലിന ബോർഗോഹൈന് വെള്ളി. വനിതകളുടെ 75 കിലോഗ്രാം ബോക്സിംഗ് ഇനത്തിന്റെ ഫൈനലിൽ ലൊവ്ലിന ചൈനയുടെ ലി ക്വിയാനോട് പരാജയപ്പെട്ടു. ഇതോടെയാണ് ലൊവിന വെള്ളി കൊണ്ട് തൃപ്തിപ്പെടേണ്ടി വന്നത്‌ 5:0 എന്ന സ്കോറിനായിരുന്നു ചൈന താരത്തിന്റെ വിജയം.
തോറ്റു എങ്കിലും ഫൈനലിൽ എത്തിയതോടെ 2024ലെ പാരീസ് ഒളിമ്പിക് യോഗ്യത ലോവ്ലിന നേടിയിരുന്നു. ഒളിമ്പിക്‌സ് മെഡൽ ജേതാവും ലോക ചാമ്പ്യനുമായ ലോവ്ലിന ബോർഗോഹൈൻ സെമി ഫൈനലിൽ തായ്‌ലൻഡിന്റെ ബെയ്‌സൺ മനീക്കോണിനെ പരാജയപ്പെടുത്തിയിരുന്നു.
